യുഎഇയിലെ ജനസംഖ്യ വർധിക്കുന്നതിനനുസരിച്ച് റോഡുകളിലുള്ള വാഹനങ്ങളുടെ എണ്ണത്തിൽ കുത്തനെ വർധനവ് അനുഭവപ്പെട്ടതായി കണക്കുകൾ.
ദുബായിലെ ടോൾ ഗേറ്റ് ഓപ്പറേറ്ററായ സാലിക് പുറത്തുവിട്ട ഔദ്യോഗിക കണക്കുകൾ പ്രകാരം, രാജ്യത്ത് രജിസ്റ്റർ ചെയ്തിട്ടുള്ള സജീവ വാഹനങ്ങളുടെ എണ്ണം 2025 ജൂണിൽ 4.56 മില്യണായി ഉയർന്നു, 2024 ജൂണിൽ ഇത് 4.17 മില്യണായിരുന്നു. ഇത് വർഷം തോറും 9.35 ശതമാനം വർധനവാണ് കാണിക്കുന്നത്, ഏകദേശം 390,000 വാഹനങ്ങൾ റോഡുകളിൽ ഇറങ്ങുന്നു.
ഇതിനുപുറമെ, 2025 ലെ രണ്ടാം പാദത്തിൽ വാഹന രജിസ്ട്രേഷനുകൾ 2 ശതമാനം വർദ്ധിച്ചു. ഈ വർദ്ധനവ് ജനസംഖ്യാ കുതിച്ചുചാട്ടവുമായി ഒത്തുപോകുന്നു, 2024 ജൂൺ മുതൽ 2025 ജൂൺ വരെ ദുബായിലെ ജനസംഖ്യ 208,000 ൽ അധികം വർദ്ധിച്ചതായി ദുബായ് സ്റ്റാറ്റിസ്റ്റിക്സ് സെന്റർ റിപ്പോർട്ട് ചെയ്യുന്നു.
