ദുബായ് അൽ നഹ്‌ദയിലെ റോഡിലെ അപകടകരമായ കുഴി സംബന്ധിച്ച് റൈഹാൻ ഹാമിദ് എന്ന ഫോട്ടോഗ്രാഫർ ഇൻസ്റ്റഗ്രാം വഴി റിപ്പോർട്ട് ചെയ്തതിന് പിന്നാലെ ദിവസങ്ങൾക്കകം റോഡിലെ കുഴിയടച്ച് ദുബായ് റോഡ് ഗതാഗത അതോറിറ്റി (RTA) അതിവേഗത്തിൽ നടപടിയെടുത്തു.
ഒക്ടോബർ 9നാണ് കുഴി സംബന്ധിച്ച് ഇൻസ്റ്റഗ്രാം വഴി റൈഹാൻ റിപ്പോർട്ട് ചെയ്തത്. കുഴിയുടെ ഫോട്ടോയും ചേർത്തായിരുന്നു അതോറിറ്റിയ്ക്ക് സന്ദേശം അയച്ചത്. അതിവേഗത്തിൽ പ്രതികരിച്ച അതോറിറ്റി അധികൃതർ വിശദാംശങ്ങൾ റൈഹാനോട് ചോദിച്ചറിഞ്ഞു.
തുടർന്ന് പിറ്റേ ദിവസംതന്നെ പരാതി രജിസ്റ്റർ ചെയ്തതായും ബന്ധപ്പെട്ട വകുപ്പിലേക്ക് കൈമാറിയതായും റൈഹാനെ അറിയിച്ചു. തുടർന്ന് ഒക്ടോബർ 20ന് കുഴിയടച്ചു.
ഈ ചിത്രവും റൈഹാൻ സമൂഹ മാധ്യമങ്ങളിൽ പങ്കുവെക്കുകയും ആർ.ടി.എയുടെ അതിവേഗത്തിലെ നട പടികളെ അഭിനന്ദിക്കുകയും ചെയ്തു. നിരവധി താമസക്കാരാണ് റൈഹാൻ്റെ പോസ്റ്റ് പങ്കുവെച്ചുകൊണ്ട് ആർടിഎയെ സമൂഹ മാധ്യമങ്ങളിൽ അഭിനന്ദിച്ചത്.
താമസക്കാരുടെ പരാതികളും നിർദേശ ങ്ങളും അതിവേഗത്തിൽ പരിഗണിക്കുന്നതിൽ ആർ.ടി.എ വളരെ ശ്രദ്ധിക്കാറുണ്ട്. നേരത്തേയും സമാനമായ രീതിയിൽ പരാതികൾ സ്വീകരിച്ച് അധികൃതർ അതിവേഗത്തിൽ നടപടിയെടുത്തിരുന്നു.
