യുഎഇയിൽ നടത്തിയ വിപുലമായ പാരിസ്ഥിതികവും പ്രവർത്തനപരവുമായ പരീക്ഷണങ്ങൾക്ക് ശേഷം, യുഎഇയുടെ ചാന്ദ്ര ദൗത്യത്തിന്റെ റാഷിദ് റോവർ 2 ന്റെ വികസനം വിജയകരമായി പൂർത്തിയാക്കിയതായി മുഹമ്മദ് ബിൻ റാഷിദ് ബഹിരാകാശ കേന്ദ്രം (MBRSC) പ്രഖ്യാപിച്ചു.
2026-ൽ ചന്ദ്രന്റെ മറുവശത്തേക്ക് വിക്ഷേപിക്കുന്നതിന് മുന്നോടിയായി ഫയർഫ്ലൈ എയ്‌റോസ്‌പേസുമായി അടുത്ത ഘട്ട തയ്യാറെടുപ്പുകൾ ആരംഭിക്കുന്നതിനായാണ് ഈ റോവർ ഇപ്പോൾ അമേരിക്കയിലേക്ക് അയച്ചിരിക്കുന്നത്.
ഈ വർഷം ആദ്യം, എം‌ബി‌ആർ‌എസ്‌സിയും ഫയർഫ്ലൈ എയ്‌റോസ്‌പേസും തമ്മിലുള്ള തന്ത്രപരമായ കരാറിൽ ഒപ്പുവെക്കുന്നതിന് ഹിസ് ഹൈനസ് ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം സാക്ഷ്യം വഹിച്ചിരുന്നു. ഈ കരാറിന് കീഴിലാണ് ചാന്ദ്ര ലാൻഡർ റാഷിദ് റോവർ 2 ചന്ദ്രനിലേക്ക് കൊണ്ടുപോകുക.
