യുഎഇയിൽ ഇന്ന് വ്യാഴാഴ്ച ഭാഗികമായി മേഘാവൃതമായ കാലാവസ്ഥയോടൊപ്പം താപനിലയിൽ കൂടുതൽ കുറവുണ്ടാകുമെന്ന് കാലാവസ്ഥാ നിരീക്ഷണ കേന്ദ്രം (NCM ) പ്രവചിച്ചിട്ടുണ്ട്.
പകൽ സമയത്തെ പരമാവധി താപനില 35°C നും 31°C നും ഇടയിലായിരിക്കുമെന്ന് പ്രവചിക്കപ്പെടുന്നു. രാത്രിയിൽ കുറഞ്ഞ താപനില 15°C മുതൽ 19°C വരെ കുറയും. ഇന്നലെ മെസൈറയിൽ (അൽ ദഫ്ര മേഖല) രാവിലെ 6:45 ന് 12.1°C എന്ന ഏറ്റവും കുറഞ്ഞ താപനില രേഖപ്പെടുത്തിയിരുന്നു.
നേരിയതോ മിതമായതോ ആയ കാറ്റും പ്രതീക്ഷിക്കുന്നു, മണിക്കൂറിൽ 10-20 കിലോമീറ്റർ വേഗതയിലും ചിലപ്പോൾ മണിക്കൂറിൽ 35 കിലോമീറ്റർ വേഗതയിലും വീശാം.ഈ പൊടിക്കാറ്റ് ചിലപ്പോൾ ദൃശ്യപരത കുറച്ചേക്കാം. പൊടി അലർജിയുള്ളവർ പുറത്ത് സമയം ചെലവഴിക്കുമ്പോൾ ആവശ്യമായ മുൻകരുതലുകൾ എടുക്കണമെന്നും അധികൃതർ നിർദ്ദേശിച്ചിട്ടുണ്ട്.
