യുഎഇയിലുടനീളം ഇന്ന് ഭാഗികമായി മേഘാവൃതമായ കാലാവസ്ഥയായിരിക്കുമെന്നും ചില തീരദേശ, വടക്കൻ പ്രദേശങ്ങളിൽ മഴയ്ക്ക് സാധ്യതയുണ്ടെന്നും നാഷണൽ സെന്റർ ഓഫ് മെറ്റീരിയോളജി (NCM ) പ്രവചിച്ചിട്ടുണ്ട്. ന്യൂനമർദ്ദം ഈ മേഖലയെ ബാധിക്കുന്നതിനാൽ ചില സമയങ്ങളിൽ നേരിയതോ മിതമായതോ ആയ കാറ്റ് വീശാൻ സാധ്യതയുണ്ട്.
ഏറ്റവും പുതിയ കാലാവസ്ഥാ അപ്ഡേറ്റിൽ, തെക്കുകിഴക്ക് നിന്ന് വടക്കുകിഴക്ക് ദിശയിലേക്ക് മണിക്കൂറിൽ 10 മുതൽ 25 കിലോമീറ്റർ വരെ വേഗതയിൽ കാറ്റ് വീശുമെന്നും ചില പ്രദേശങ്ങളിൽ മണിക്കൂറിൽ 40 കിലോമീറ്റർ വരെ വേഗതയിൽ കാറ്റ് വീശുമെന്നും NCM അറിയിച്ചു.
അറേബ്യൻ ഗൾഫിലെ കടൽ സ്ഥിതി നേരിയതോ മിതമായതോ ആയിരിക്കുമെങ്കിലും രാത്രിയിൽ പ്രക്ഷുബ്ധമാകാൻ സാധ്യതയുണ്ട്.
