ദുബായിലെ ഡെലിവറി കമ്പനികൾക്കിടയിൽ ആരോഗ്യകരമായ മത്സരം വളർത്തിയെടുക്കാൻ ലക്ഷ്യമിട്ടുള്ള ഡെലിവറി സെക്ടർ എക്സലൻസ് അവാർഡ് ആരംഭിക്കുമെന്ന് ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി പ്രഖ്യാപിച്ചു.
മേഖലയിലെ ഗുണനിലവാരവും സുരക്ഷാ മാനദണ്ഡങ്ങളും വർദ്ധിപ്പിക്കുന്നതിനും ഈ അവാർഡ് സഹായിക്കുമെന്ന് അതോറിറ്റി അറിയിച്ചു.
മികച്ച പാട്ട്ണർ, സ്മാർട്ട് പ്ലാറ്റ്ഫോമുകളിലൂടെയും ആപ്പുകളിലൂടെയും മികച്ച ഡെലിവറി കമ്പനി, മികച്ച ഡെലിവറി കമ്പനി, മികച്ച ഡെലിവറി റൈഡർ എന്നിങ്ങനെ ഈ മേഖലയിലെ മികച്ച ഡ്രൈവർമാരെയും ആദരിക്കുകയും അംഗീകരിക്കുകയും ചെയ്യുക എന്ന ലക്ഷ്യത്തോടെയാണ് ഈ അവാർഡ് പ്രഖ്യാപിച്ചിരിക്കുന്നത്. ഉയർന്ന സേവന ഗുണനിലവാര മാനദണ്ഡങ്ങളോടുള്ള പ്രതിബദ്ധതയ്ക്കും പ്രതിഫലം നൽകുകയും ചെയ്യും.
