ദുബായ്: വികസന പ്രവർത്തനങ്ങളുടെ ഭാഗമായി ദുബായിലെ എമിറേറ്റ്സ് റോഡിന്റെ ഒരു ഭാഗം താൽക്കാലികമായി അടച്ചിടുമെന്ന് ഊർജ്ജ, അടിസ്ഥാന സൗകര്യ മന്ത്രാലയം അറിയിച്ചു.
ദുബായിലേക്കുള്ള (എമിറേറ്റ്സ് റോഡ്) അൽ ജാമി റോഡിനും അൽ ബദാ ഇന്റർസെക്ഷനിടയിലും റോഡ് താൽക്കാലികമായി അടച്ചിടുമെന്ന് മന്ത്രാലയം സോഷ്യൽ മീഡിയയിൽ അറിയിച്ചു. മലീഹ റോഡിലെ അൽ ഹൗഷി പാലം വഴി പടിഞ്ഞാറോട്ട് ഗതാഗതം തിരിച്ചുവിടും. ഇന്ന് ഫെബ്രുവരി 7 ശനിയാഴ്ച രാവിലെ 11 മണി മുതൽ ഫെബ്രുവരി 9 തിങ്കളാഴ്ച രാവിലെ 5 മണി വരെയാണ് റോഡ് അടച്ചിടുക.
വാഹനമോടിക്കുന്നവർ വഴിതിരിച്ചുവിടൽ അടയാളങ്ങൾ പാലിക്കുകയും ശ്രദ്ധാപൂർവ്വം വാഹനമോടിക്കുകയും ചെയ്യണമെന്നും അസൗകര്യമുണ്ടായതിൽ മന്ത്രാലയം ഖേദിക്കുന്നുവെന്നും, പൊതുജനങ്ങളുടെ ക്ഷമയ്ക്കും സഹകരണത്തിനും നന്ദി പറയുന്നുവെന്നും മന്ത്രാലയം പറഞ്ഞു.
