യുഎഇയിൽ 6G സാങ്കേതികവിദ്യയുടെ പരീക്ഷണങ്ങൾ പുരോഗമിക്കുകയാണെന്നും മൂന്ന് വർഷത്തിനുള്ളിൽ വാണിജ്യാടിസ്ഥാനത്തിൽ 6G ലഭ്യമാകുമെന്ന് പ്രതീക്ഷിക്കുന്നതായും എമിറേറ്റ്സ് ഇന്റഗ്രേറ്റഡ് ടെലികമ്മ്യൂണിക്കേഷൻസ് കമ്പനി (du) സിഇഒ ഫഹദ് അൽ ഹസാവി അറിയിച്ചു.
“5G-യ്ക്കായി ഞങ്ങൾ ചെയ്തതിന് സമാനമായി, 6G-യ്ക്കുള്ള എല്ലാ പരീക്ഷണങ്ങളും നടക്കുകയാണെന്ന് ഒരു അഭിമുഖത്തിൽ അദ്ദേഹം പറഞ്ഞതായി ഖലീജ് ടൈംസ് ആണ് റിപ്പോർട്ട് ചെയ്തിരിക്കുന്നത്. “വിപണിയിലെ എല്ലാ വ്യത്യസ്ത മേഖലകൾക്കും ശരിയായ സാങ്കേതിക അടിത്തറ സ്ഥിരമായി നിർമ്മിക്കുന്ന മേഖലയാണ് ഞങ്ങൾ. 5G, ഫൈബർ എന്നിവയിലൂടെ, വിപണിയിൽ നടക്കുന്ന എല്ലാ ഡിജിറ്റലൈസേഷനെയും ഞങ്ങൾ പിന്തുണയ്ക്കുന്നു. യുഎഇയിലെ നെറ്റ്വർക്കിന്റെയും അടിസ്ഥാന സൗകര്യങ്ങളുടെയും ഗുണനിലവാരവും പുരോഗതിയും ഉന്നതിയിലാണെന്ന് ഉറപ്പാക്കാൻ ഞങ്ങൾ എപ്പോഴും പ്രതിജ്ഞാബദ്ധരാണ്,”
യുഎഇയിലെ രണ്ടാമത്തെ ടെലികോം ഓപ്പറേറ്റർ ആയ ഡു റെക്കോർഡ് ലാഭവും എക്കാലത്തെയും ഉയർന്ന ലാഭവിഹിതവും പ്രഖ്യാപിച്ചതിന് ശേഷമുള്ള അഭിമുഖത്തിലാണ് അദ്ദേഹം ഇക്കാര്യങ്ങൾ വെളിപ്പെടുത്തിയത്.
