റമദാൻ മാസത്തിൽ ദുബായിലെ സാലിക്ക് ടോൾ നിരക്കിലും സമയങ്ങളിലും മാറ്റങ്ങൾ വരുത്തിയതായി അധികൃതർ അറിയിച്ചു.
ഇതനുസരിച്ച് റമദാൻ മാസത്തിൽ തിങ്കൾ മുതൽ ശനി വരെ തിരക്കുള്ള സമയങ്ങളായ രാവിലെ 9 മണി മുതൽ വൈകുന്നേരം 5 മണി വരെ 6 ദിർഹമായിരിക്കും ടോൾ ഫീസ്.
തിരക്കില്ലാത്ത സമയങ്ങളായ രാവിലെ 7 മുതൽ 9 വരെയും വൈകുന്നേരം 5 മണി മുതൽ പുലർച്ചെ 2 മണി വരെയും 4 ദിർഹമായിരിക്കും ടോൾ ഫീസ്.
പുലർച്ചെ 2 മണി മുതൽ രാവിലെ 7 മണി വരെ ടോൾ ഫീസ് സൗജന്യമായിരിക്കും.
ഞായറാഴ്ചകളിലും, പൊതു അവധി ദിവസങ്ങളിലും തിരക്കുള്ള സമയങ്ങളായ 9 മണി മുതൽ വൈകുന്നേരം 5 മണി വരെ 4 ദിർഹമായിരിക്കും ടോൾ ഫീസ്.
തിരക്കില്ലാത്ത സമയങ്ങളായ രാവിലെ 7 മുതൽ 9 വരെയും വൈകുന്നേരം 5 മണി മുതൽ പുലർച്ചെ 2 മണി വരെയും 4 ദിർഹമായിരിക്കും ടോൾ ഫീസ്. പുലർച്ചെ 2 മണി മുതൽ രാവിലെ 7 മണി വരെ ടോൾ ഫീസ് സൗജന്യമായിരിക്കും.
