ഭക്ഷ്യ സുരക്ഷാ ചട്ടങ്ങൾ ലംഘിച്ചതിനും പൊതുജനാരോഗ്യത്തിന് അപകടമുണ്ടാക്കിയതിനും :അബുദാബി മുസഫ ഏരിയയിലെ ഇൻഡെക്സ് റെസ്റ്റോറന്റ് എൽഎൽസി അടച്ചുപൂട്ടാൻ അബുദാബി ഭക്ഷ്യ സുരക്ഷാ അതോറിറ്റി ഉത്തരവിട്ടു.
ഭക്ഷ്യ സുരക്ഷാ മാനദണ്ഡങ്ങളുടെ ആവർത്തിച്ചുള്ള ലംഘനങ്ങളെയും ഫലപ്രദമായ തിരുത്തൽ നടപടികൾ നടപ്പിലാക്കുന്നതിൽ പരാജയപ്പെട്ടതിനെയും തുടർന്നാണ് ഈ റെസ്റ്റോറന്റ് അടച്ചു പൂട്ടാൻ അതോറിറ്റി തീരുമാനിച്ചത്.
നിയമലംഘനങ്ങളുടെ കാരണങ്ങൾ പൂർണ്ണമായും പരിഹരിക്കുന്നതുവരെ ഈ റസ്റ്റോറന്റ് അടച്ചിടും. വ്യവസ്ഥകൾ ശരിയാക്കുകയും എല്ലാ ഭക്ഷ്യ സുരക്ഷാ ആവശ്യകതകളും പാലിക്കുകയും ചെയ്തതിനുശേഷം മാത്രമേ സ്ഥാപനം പ്രവർത്തനം പുനരാരംഭിക്കാൻ കഴിയൂ എന്നും അതോറിറ്റി അറിയിച്ചു.
ഭക്ഷ്യ സ്ഥാപനങ്ങളിൽ എന്തെങ്കിലും നിയമലംഘനങ്ങൾ കണ്ടെത്തിയാൽ അല്ലെങ്കിൽ ഭക്ഷ്യ ഉൽപ്പന്നങ്ങളെക്കുറിച്ചുള്ള ആശങ്കകൾ ശ്രദ്ധയിൽപ്പെട്ടാൽ അബുദാബി സർക്കാരിന്റെ ടോൾ ഫ്രീ നമ്പറായ 800555 എന്ന നമ്പറിൽ വിളിച്ച് റിപ്പോർട്ട് ചെയ്യണമെന്ന് അതോറിറ്റി പൊതുജനങ്ങളോട് അഭ്യർത്ഥിച്ചിട്ടുണ്ട്.
