ഫുജൈറ എണ്ണ വ്യവസായ മേഖലയിലെ (FOIZ) ടാങ്ക് തീപിടുത്തം നിയന്ത്രണവിധേയമാക്കിയ അടിയന്തര സംഘങ്ങളെ ഫുജൈറ കിരീടാവകാശി ഹിസ് ഹൈനസ് ഷെയ്ഖ് മുഹമ്മദ് ബിൻ ഹമദ് അൽ ഷർഖി അഭിനന്ദിച്ചു.
ഫുജൈറ എണ്ണ വ്യവസായ മേഖലയിൽ സന്ദർശനം നടത്തിയാണ് അടിയന്തര സംഘങ്ങളെ അദ്ദേഹം അഭിനന്ദിച്ചത്. ഫീൽഡ് സന്ദർശന വേളയിൽ, സംഭവം നിയന്ത്രിക്കുന്നതിനും ചുറ്റുമുള്ള പ്രദേശം സുരക്ഷിതമാക്കുന്നതിനുമായി സിവിൽ ഡിഫൻസും അടിയന്തര സംഘങ്ങളും നടത്തിയ പ്രവർത്തനങ്ങളെക്കുറിച്ച് ഷെയ്ഖ് മുഹമ്മദിനോട് വിശദീകരിച്ചു നൽകി.
സുരക്ഷാ ഉദ്യോഗസ്ഥരുടെ “വീരോചിതവും നിരന്തരവുമായ ശ്രമങ്ങളെ” കിരീടാവകാശി പ്രശംസിച്ചു, സാഹചര്യം കൈകാര്യം ചെയ്യുന്നതിലും സൗകര്യത്തെയും സമീപ സമൂഹത്തെയും സംരക്ഷിക്കുന്നതിലും അവരുടെ വേഗത്തിലുള്ള പ്രതികരണത്തെയും അദ്ദേഹം എടുത്തുകാണിച്ചു.
