ഷാർജ ഇൻഡസ്ട്രിയൽ ഏരിയ 6 ലെ ഒരു വെയർഹൗസിൽ ഇന്ന് ഉച്ചയോടെയുണ്ടായ തീപിടുത്തം ഷാർജ പോലീസിന്റെ പിന്തുണയോടെ സിവിൽ ഡിഫൻസ് ടീമുകൾ നിയന്ത്രണവിധേയമാക്കി.
സംഭവത്തിൽ വേഗത്തിലുള്ള പ്രതികരണവും പ്രൊഫഷണൽ ഇടപെടലും കാരണം ആർക്കും പരിക്കുകളൊന്നും രേഖപ്പെടുത്തിയിട്ടില്ലെന്ന് ഷാർജ മീഡിയ ഓഫീസ് അറിയിച്ചു. ഇന്ന് 2026 മാർച്ച് 17 ചൊവ്വാഴ്ച ഉച്ചയ്ക്ക് 1.20 ന് ആണ് ഷാർജ പോലീസ് ഓപ്പറേഷൻസ് റൂമിന് റിപ്പോർട്ട് ലഭിച്ചത്. ഉച്ചയ്ക്ക് 1.44 ഓടെ തീ പൂർണ്ണമായും നിയന്ത്രണവിധേയമാക്കി, നിയന്ത്രണവിധേയമാക്കാൻ വെറും 20 മിനിറ്റ് മാത്രമാണ് എടുത്തത്.
വിവരങ്ങൾക്ക് ഔദ്യോഗിക ഉറവിടങ്ങളെ മാത്രം ആശ്രയിക്കാനും സ്ഥിരീകരിക്കാത്ത റിപ്പോർട്ടുകളോ കിംവദന്തികളോ പ്രചരിപ്പിക്കുന്നത് ഒഴിവാക്കാനും അധികൃതർ പൊതുജനങ്ങളോട് അഭ്യർത്ഥിച്ചിട്ടുണ്ടെന്ന് ഷാർജ മീഡിയ ഓഫീസ് അറിയിച്ചു.
