ദുബായ്: യുഎഇയിലുടനീളം വീണ്ടും അസ്ഥിരമായ കാലാവസ്ഥയുണ്ടാകുമെന്ന് ദേശീയ കാലാവസ്ഥാ കേന്ദ്രം പ്രവചിച്ചു, അടുത്ത വ്യാഴാഴ്ച മുതൽ തിങ്കളാഴ്ച വരെ ഇടവിട്ട് മഴ പെയ്യുമെന്ന് പ്രതീക്ഷിക്കുന്നു.
നാളെ ചൊവ്വാഴ്ചയും മറ്റന്നാൾ ബുധനാഴ്ചയും പകൽ സമയത്ത് കാലാവസ്ഥ അനുകൂലമായിരിക്കുമെന്നും ഭാഗികമായി മേഘാവൃതമായിരിക്കുമെന്നും ഇടയ്ക്കിടെ പൊടി നിറഞ്ഞതായിരിക്കുമെന്നും, ശക്തമായ വടക്കുപടിഞ്ഞാറൻ കാറ്റ് പൊടിപടലങ്ങൾ ഉയർത്തുകയും താപനില കുറയാൻ കാരണമാവുകയും ചെയ്യുമെന്നും കേന്ദ്രം ഒരു പ്രസ്താവനയിൽ പറഞ്ഞു. ചില സമയങ്ങളിൽ കടൽ പ്രക്ഷുബ്ദം ആകാൻ സാധ്യതയുണ്ടെന്നും പ്രതീക്ഷിക്കുന്നു.
വ്യാഴാഴ്ച മുതൽ തിങ്കളാഴ്ച രാവിലെ വരെ, പടിഞ്ഞാറ് നിന്ന് ഇടയ്ക്കിടെ മേഘങ്ങൾ നീങ്ങുമെന്ന് പ്രതീക്ഷിക്കുന്നു, ഇത് രാജ്യത്തിന്റെ വിവിധ ഭാഗങ്ങളിൽ നേരിയതോ മിതമായതോ ആയ മഴ നൽകും. ചില പ്രദേശങ്ങളിൽ, പ്രത്യേകിച്ച് പടിഞ്ഞാറൻ, കിഴക്കൻ മേഖലകളിൽ ചിലപ്പോഴൊക്കെ കനത്ത മഴയുണ്ടാകാം.
