അബുദാബി: തങ്ങളുടെയും മറ്റുള്ളവരുടെയും ജീവൻ അപകടത്തിലാക്കുന്ന തരത്തിൽ അപകടകരമായ രീതിയിൽ വാഹനങ്ങൾ ഓടിച്ച ഡ്രൈവർമാരെ അബുദാബി പോലീസ് പിടികൂടി.
അൽ ഐൻ മേഖലയിലെ സുരക്ഷാ പട്രോളിംഗ് ഉദ്യോഗസ്ഥർ ആണ് ഡ്രൈവർമാരെ പിടികൂടി അവർക്കെതിരെ നിയമനടപടി സ്വീകരിക്കാൻ അധികാരികൾക്ക് റഫർ ചെയ്തത്. ‘സ്മാർട്ട് റോഡ് സുരക്ഷ’ കാമ്പെയ്നിന്റെ ഭാഗമായാണ് ഈ അറസ്റ്റ്. ഇത്തരം നടപടികൾ ഗതാഗത, റോഡ് നിയമങ്ങളുടെ വ്യക്തമായ ലംഘനമാണെന്ന് പോലീസ് ചൂണ്ടിക്കാട്ടി,
രക്ഷിതാക്കൾ കുട്ടികളുടെ പെരുമാറ്റങ്ങൾ നിരീക്ഷിക്കുകയും വാഹനങ്ങളുടെ സുരക്ഷിതവും ഉത്തരവാദിത്തപരവുമായ ഉപയോഗത്തെക്കുറിച്ച് അവരെ ബോധവൽക്കരിക്കുകയും ചെയ്യണമെന്ന് അധികാരികൾ ഊന്നിപ്പറഞ്ഞു. റോഡ് സുരക്ഷ വർദ്ധിപ്പിക്കുന്നതിന് അപകടകരമായ പെരുമാറ്റങ്ങൾ റിപ്പോർട്ട് ചെയ്യുന്നതിൽ സമൂഹത്തിലെ അംഗങ്ങളുടെ സഹകരണം വഹിക്കുന്ന നിർണായക പങ്കിനെക്കുറിച്ചും പോലീസ് ഊന്നിപ്പറഞ്ഞു.
