ദുബായ്: റോഡുകളിലെ വർദ്ധിച്ചുവരുന്ന സുരക്ഷാ അപകടസാധ്യതകൾ തടയുക എന്ന ലക്ഷ്യത്തോടെയുള്ള പുതിയ കരട് നിയമപ്രകാരം, ദുബായിലെ കുട്ടികൾ സുരക്ഷിതമല്ലാത്ത രീതിയിൽ ഇലക്ട്രിക് സ്കൂട്ടറുകൾ ഉപയോഗിച്ചാൽ മാതാപിതാക്കളെ നിയമപരമായി ഉത്തരവാദികളാക്കാൻ സാധ്യതയുണ്ടെന്ന് പോലീസ് അറിയിച്ചു.
റോഡ്സ് ആൻഡ് ട്രാൻസ്പോർട്ട് അതോറിറ്റിഉൾപ്പെടെയുള്ള പ്രധാന പങ്കാളികളുമായി ഏകോപിപ്പിച്ച് ആണ് ഈ ദുബായ് പോലീസ് നിർദ്ദിഷ്ട നിയമനിർമ്മാണം തയ്യാറാക്കിയത്. ഒരുകാലത്ത് വിനോദ ഉപകരണങ്ങളായി കാണപ്പെട്ടിരുന്ന സ്കൂട്ടറുകൾ വർദ്ധിച്ചുവരുന്ന ഗുരുതരമായ സുരക്ഷാ ഭീഷണിയായി മാറുന്നുവെന്ന ആശങ്കയാണ് ഈ നീക്കം പ്രതിഫലിപ്പിക്കുന്നതെന്ന് ദുബായ് പോലീസിലെ ഓപ്പറേഷൻസ് അഫയേഴ്സ് അസിസ്റ്റന്റ് കമാൻഡർ-ഇൻ-ചീഫ് മേജർ ജനറൽ സെയ്ഫ് മുഹൈർ അൽ മസ്രൂയി പറഞ്ഞു.
