ഹോർമൂസ് കടലിടുക്കിലും അതിനടുത്ത പ്രദേശങ്ങളിലുമുള്ള ഇറാന്റെ 10 പ്രധാന സൈനിക താവളങ്ങൾക്ക് നേരെ അമേരിക്കൻ നാവികസേനയും (US Navy) വ്യോമസേനയും (US Air Force) സംയുക്തമായി ശക്തമായ വ്യോമാക്രമണം നടത്തിയതായി യു.എസ് സെൻട്രൽ കമാൻഡ് (Centcom) അറിയിച്ചു.
പനാമയുടെ പതാകയുള്ള ‘എം/ടി കികു’ (M/T Kiku) എന്ന ഭീമൻ ചരക്കുകപ്പലിന് നേരെ ഇറാൻ നടത്തിയ ഡ്രോൺ ആക്രമണത്തിന് മറുപടിയായാണ് തങ്ങൾ ഈ സൈനിക നടപടി സ്വീകരിച്ചതെന്ന് അമേരിക്ക വ്യക്തമാക്കി. 20 ലക്ഷത്തിലധികം ബാരൽ ക്രൂഡ് ഓയിലുമായി സഞ്ചരിക്കുകയായിരുന്ന കപ്പലിന് നേരെയായിരുന്നു ഇറാന്റെ ആക്രമണം.
ഇറാന്റെ വിനാശകരമായ ഡ്രോൺ-മിസൈൽ സംഭരണ കേന്ദ്രങ്ങളെ ലക്ഷ്യമിട്ട് യു.എസ് യുദ്ധവിമാനങ്ങൾ നടത്തിയ ഈ വൻ ആക്രമണത്തിന്റെ ഔദ്യോഗിക വീഡിയോ ദൃശ്യങ്ങളും യു.എസ് സെൻട്രൽ കമാൻഡ് സോഷ്യൽ മീഡിയയിലൂടെ പുറത്തുവിട്ടിട്ടുണ്ട്.
U.S. Navy and Air Force fighter jets conducted strikes tonight on 10 Iranian military targets at multiple locations in and near the Strait of Hormuz for Iran's drone attack on M/T Kiku. pic.twitter.com/Z0TLZRqmF6
— U.S. Central Command (@CENTCOM) June 28, 2026
