ഖമേനിയെ വധിക്കുമെന്ന് ഇസ്രായേൽ ; വളർത്തുമൃഗങ്ങളെ പൂട്ടിയിടാൻ അമേരിക്കയോട് ആവശ്യപ്പെട്ട് ഇറാൻ

ഇറാന്റെ ജനങ്ങൾക്കോ നേതൃത്വത്തിനോ എതിരെ ഉണ്ടാകുന്ന ഏത് ഭീഷണിക്കും ശക്തവും തൽക്ഷണവുമായ തിരിച്ചടി നൽകുമെന്ന് ഇറാന്റെ വിദേശകാര്യമന്ത്രി അബ്ബാസ് അരാഗ്ചി ഔദ്യോഗികമായി മുന്നറിയിപ്പ് നൽകി. ഇന്ന് ബുധനാഴ്ച തന്റെ എക്സ് (X) അക്കൗണ്ടിലൂടെയാണ് അദ്ദേഹം ഈ പ്രസ്താവന നടത്തിയത്.

ഇറാന്റെ പരമോന്നത നേതാവ് മൊജ്തബ ഖമേനിയെ (Mojtaba Khamenei) വധിക്കുമെന്ന ഇസ്രായേൽ പ്രതിരോധ മന്ത്രി ഇസ്രായേൽ കാറ്റ്‌സിന്റെ (Israel Katz) പ്രസ്താവനയ്ക്ക് മറുപടിയായാണ് അരാഗ്ചിയുടെ ഈ കടുത്ത പ്രതികരണം.

“ടെൽ അവീവിലെ (ഇസ്രായേൽ) തങ്ങളുടെ വളർത്തുമൃഗങ്ങളെ കെട്ടിയിടാൻ യു.എസ് പ്രസിഡന്റ് തയ്യാറാകണം. അവർ യജമാനന്റെ വാക്ക് കേൾക്കുന്നില്ലെങ്കിൽ അവരെ എങ്ങനെ മെരുക്കണമെന്ന് ഇറാന് നന്നായറിയാം,” എന്ന് അരാഗ്ചി തന്റെ പോസ്റ്റിൽ കുറിച്ചു.

The terms of the Islamabad MoU are crystal clear and public for all to see.

POTUS has committed the U.S. to muzzling its pets in Tel Aviv. If they ignore their master, Iran will school them.

Any threat against our People and Leadership will receive Immediate Powerful Response. pic.twitter.com/VrKa259gYd

— Seyed Abbas Araghchi (@araghchi) July 1, 2026

ഖത്തറിൽ വെച്ച് യു.എസ്-ഇറാൻ നയതന്ത്ര ചർച്ചകൾ പുരോഗമിക്കുന്നതിനിടെയാണ് ഇരുരാജ്യങ്ങളും തമ്മിലുള്ള വാക്പോര് വീണ്ടും പശ്ചിമേഷ്യയിൽ വൻ യുദ്ധഭീതി ഉയർത്തുന്നത്.