ഇറാന്റെ കൊല്ലപ്പെട്ട പരമോന്നത നേതാവിന്റെ ശവസംസ്കാര ചടങ്ങുകളിൽ 1.5 കോടി മുതൽ 2 കോടി വരെ ജനങ്ങൾ പങ്കെടുത്തേക്കുമെന്ന് ഔദ്യോഗിക വൃത്തങ്ങൾ അറിയിച്ചു. ഇത് യാഥാർത്ഥ്യമായാൽ ഇറാന്റെ ചരിത്രത്തിലെ തന്നെ ഏറ്റവും വലിയ ഔദ്യോഗിക ശവസംസ്കാര ചടങ്ങായി (Biggest state funeral) ഇത് മാറും.
ഈ വിലാപയാത്ര ഇറാന്റെ ചരിത്രത്തിലെ “ഏറ്റവും സുപ്രധാനമായ നിമിഷങ്ങളിൽ ഒന്നാണ്” എന്ന് പാർലമെന്റ് സ്പീക്കർ ഖാലിബാഫ് (Ghalibaf) വിശേഷിപ്പിച്ചു.
പൊതുഅവധി പ്രഖ്യാപിച്ചു: പ്രധാന ചടങ്ങുകൾക്കും സംസ്കാരത്തിനും ആതിഥേയത്വം വഹിക്കുന്ന തലസ്ഥാനമായ തഹറാൻ (Tehran), പുണ്യനഗരങ്ങളായ കോം (Qom), മഷ്ഹദ് (Mashhad) എന്നീ നഗരങ്ങളിൽ ചടങ്ങുകൾ നടക്കുന്ന ദിവസങ്ങളിൽ പൊതുഅവധി പ്രഖ്യാപിച്ചു.
യാത്രാ നിയന്ത്രണങ്ങൾ: തഹറാനിലെ സർക്കാർ, സ്വകാര്യ ഓഫീസുകൾക്ക് ശനിയാഴ്ച മുതൽ തിങ്കളാഴ്ച വരെ അടച്ചിടാൻ അധികൃതർ ഉത്തരവിട്ടിട്ടുണ്ട്. നഗരമധ്യത്തിലേക്കുള്ള ഭൂരിഭാഗം റോഡുകളിലും സ്വകാര്യ വാഹനങ്ങൾക്ക് കർശന നിയന്ത്രണം ഏർപ്പെടുത്തിയിട്ടുണ്ട്.
വ്യോമപാത അടയ്ക്കും: ചടങ്ങുകളുടെ സുരക്ഷ മുൻനിർത്തി ടെഹ്റാനിലെ വ്യോമപാത വെള്ളിയാഴ്ച മുതൽ ഭാഗികമായും, തിങ്കളാഴ്ച പൂർണ്ണമായും അടച്ചിടുമെന്ന് അധികൃതർ വ്യക്തമാക്കി.
