ദുബായിലെ തിരക്കേറിയ അൽ ഖലീജ് സ്ട്രീറ്റിലെ കെയ്റോ സ്ട്രീറ്റ് റൗണ്ട് എബൗട്ടിൽ വാരാന്ത്യത്തിൽ താത്കാലിക ട്രാഫിക് നിയന്ത്രണങ്ങൾ ഏർപ്പെടുത്തുന്നതായി റോഡ്സ് ആൻഡ് ട്രാൻസ്പോർട്ട് അതോറിറ്റി (RTA) അറിയിച്ചു.
ഇൻഫിനിറ്റി ബ്രിഡ്ജിൽ (Infinity Bridge) നിന്നും അൽ മംസാർ (Al Mamzar) ഭാഗത്തേക്ക് പോകുന്ന വാഹനങ്ങൾക്കുള്ള ലെഫ്റ്റ് ടേണും (Left-turn) യു-ടേണും (U-turn) ഈ സമയത്ത് അടച്ചിടും. കൂടാതെ, കെയ്റോ സ്ട്രീറ്റിൽ നിന്നും വരുന്ന ട്രാഫിക്കിനായുള്ള പൂർണ്ണ യു-ടേൺ സംവിധാനവും ഉണ്ടായിരിക്കുന്നതല്ല.
2026 ജൂലൈ 11 ശനിയാഴ്ച രാത്രി 10:00 മണി മുതൽ ജൂലൈ 13 തിങ്കളാഴ്ച പുലർച്ചെ 5:00 മണി വരെയാണ് ഈ റോഡ് നിയന്ത്രണം പ്രാബല്യത്തിലുണ്ടാകുക.
ഈ റൂട്ടിലൂടെ യാത്ര ചെയ്യുന്നവർ ഗതാഗതക്കുരുക്ക് ഒഴിവാക്കാനായി മറ്റ് ബദൽ പാതകൾ (Alternative routes) ഉപയോഗിക്കണമെന്നും, റോഡിൽ സ്ഥാപിച്ചിട്ടുള്ള ദിശാസൂചന ബോർഡുകൾ കൃത്യമായി പാലിക്കണമെന്നും ആർ.ടി.എ അഭ്യർത്ഥിച്ചു. വാരാന്ത്യത്തിൽ ഈ ഭാഗത്തുണ്ടാകാൻ സാധ്യതയുള്ള തിരക്ക് കണക്കിലെടുത്ത് യാത്രക്കാർ അധിക സമയം മുൻകൂട്ടി കണ്ട് യാത്ര തിരിക്കേണ്ടതാണ്.
