അബുദാബിയിലെ പ്രധാന ബസ് സ്റ്റേഷനുകളിൽ നിന്നും അൽ സഹിയ (Al Zahya) ബസ് സ്റ്റേഷനിൽ നിന്നും മുഹമ്മദ് ബിൻ സായിദ് സിറ്റി ട്രെയിൻ സ്റ്റേഷനിലേക്ക് ഇരുവശങ്ങളിലേക്കുമായി MR1, MR2 എന്നീ രണ്ട് പുതിയ റൂട്ടുകൾ ആരംഭിച്ചു.
അബുദാബിക്കും ഫുജൈറയ്ക്കും ഇടയിൽ ദിവസം 6 സർവീസുകളോടെ (ഇരുവശങ്ങളിലേക്കും 3 വീതം) ഇത്തിഹാദ് റെയിൽ പ്രാരംഭ പാസഞ്ചർ സർവീസ് ആരംഭിച്ചതിന് തൊട്ടുപിന്നാലെയാണ് ഈ പുതിയ ക്രമീകരണം.
ട്രെയിൻ വരുന്നതിനും പോകുന്നതിനുമുള്ള സമയത്തിന് അനുയോജ്യമായ രീതിയിൽ ബസ്, ടാക്സി സർവീസുകളുടെ സമയം ക്രമീകരിക്കാൻ ട്രാൻസ്പോർട്ട് അതോറിറ്റിയുമായി ഇത്തിഹാദ് റെയിൽ കൈകോർക്കുന്നു.
മുഹമ്മദ് ബിൻ സായിദ് സിറ്റി സ്റ്റേഷനിൽ നിന്ന് കോർണിഷിലെ അഡ്നോക് ആസ്ഥാനം (ADNOC HQ), അഡ്നെക് സെന്റർ (ADNEC), റീം മോൾ തുടങ്ങിയ പ്രധാന സ്ഥലങ്ങളിലേക്ക് 10 ദിർഹം നിരക്കിൽ ഷട്ടിൽ ബസുകളും ലഭ്യമാണ്. ഷട്ടിൽ ബസ് സേവനങ്ങൾ ഇത്തിഹാദ് റെയിൽ ആപ്പ് വഴിയോ വെബ്സൈറ്റ് വഴിയോ ബുക്ക് ചെയ്യാവുന്നതാണ്.
