യു.എ.ഇയിലെ പ്രമുഖ ടെലികോം ഓപ്പറേറ്ററായ ‘ഡ്യൂ’വിന്റെ (du) ഫിൻടെക് വിഭാഗമായ ഡ്യൂ പേ (du Pay) സാമ്പത്തിക ഇടപാടുകൾക്കും റെമിറ്റൻസ് സേവനങ്ങൾക്കുമായി സബ്‌സ്‌ക്രിപ്ഷൻ മോഡൽ (Subscription model) ഉടൻ ആരംഭിക്കുന്നു. കേവലം പണമടയ്ക്കാനുള്ള ആപ്പ് എന്ന നിലയിൽ നിന്ന് ഉപഭോക്താക്കളുടെ ജീവിതശൈലിയുടെ ഭാഗമാകുന്ന ‘ലൈഫ്‌സ്റ്റൈൽ ഫിൻടെക്’ (Lifestyle engagement fintech) പ്ലാറ്റ്‌ഫോമായി മാറുക എന്നതാണ് ഇതിലൂടെ ലക്ഷ്യമിടുന്നത്.
പണം അയക്കുന്നതിന് മാത്രമായി ആപ്പ് ഉപയോഗിക്കുന്നതിൽ നിന്ന് മാറി, ചെറിയ തുകയുടെ വരിസംഖ്യയിലൂടെ (Minimum-cost subscription) ഉപഭോക്താക്കൾക്ക് കൂടുതൽ ഫീച്ചറുകളും ആനുകൂല്യങ്ങളും നൽകാനാണ് ഡ്യൂ പേ പദ്ധതിയൊരുക്കുന്നത്.
പണം പുറത്തേക്ക് അയച്ചിട്ടില്ലെങ്കിലും സബ്‌സ്‌ക്രിപ്ഷൻ എടുത്തിട്ടുള്ള ഉപഭോക്താക്കൾക്ക് മറ്റ് സേവനങ്ങളിലൂടെ നേട്ടങ്ങൾ ലഭിക്കും.
പ്രധാന ആനുകൂല്യങ്ങൾ:
കാർഡ് ഉപയോഗിച്ചുള്ള പർച്ചേസുകൾക്ക് ക്യാഷ്‌ബാക്ക് (Cash back).
ടെലികോം പ്രൊഡക്റ്റുകൾക്കും സിം കാർഡുകൾക്കും പ്രത്യേക ഡിസ്‌കൗണ്ടുകൾ.
സൗജന്യ റെമിറ്റൻസ് സൗകര്യങ്ങൾ (Free remittances).
ഉപഭോക്താക്കളുമായി നിരന്തരമായ സമ്പർക്കം പുലർത്തുന്ന ഉപയോക്തൃ-സൗഹൃദ സാമ്പത്തിക സേവന പ്ലാറ്റ്‌ഫോമായി മാറുക എന്നതാണ് ഈ പുതിയ നീക്കത്തിലൂടെ കമ്പനി ലക്ഷ്യമിടുന്നത് എന്ന് ഡ്യൂ പേ സി.ഇ.ഒ റോബർട്ടോ മാൻകോൺ (Roberto Mancone) വ്യക്തമാക്കി.
