ഡൗൺടൗൺ, ഡി.ഐ.എഫ്.സി, ബിസിനസ് ബേ മേഖലകളിലേക്ക് ഡ്രൈവറില്ലാ ടാക്സി സേവനങ്ങൾ : 184 മില്യൺ ദിർഹം നിക്ഷേപവുമായി ഊബർ

Uber driverless taxi services to expand to Downtown Dubai, DIFC, Business Bay

ദുബായിൽ സ്വയംനിയന്ത്രിത (Driverless/Autonomous) ടാക്സി സേവനങ്ങൾ വിപുലീകരിക്കുന്നതിനായി അടുത്ത രണ്ട് വർഷത്തിനുള്ളിൽ 184 മില്യൺ ദിർഹം (Dh184 million) നിക്ഷേപിക്കുമെന്ന് ആഗോള റൈഡ്-ഹെയ്‌ലിംഗ് കമ്പനിയായ ഊബർ (Uber) പ്രഖ്യാപിച്ചു. നവംബർ 21 വരെ നടക്കുന്ന ‘ദുബായ് ഫ്യൂച്ചർ വീക്ക് 2026’-ൽ വെച്ച് ദുബായ് കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിന് മുന്നിലാണ് കമ്പനി തങ്ങളുടെ വിപുലീകരണ പദ്ധതികൾ അവതരിപ്പിച്ചത്. ഇതോടെ ഡൗൺടൗൺ ദുബായ്, ഡി.ഐ.എഫ്.സി (DIFC), ബിസിനസ് ബേ തുടങ്ങിയ പ്രധാന വാണിജ്യ മേഖലകളിലേക്കും ഊബറിന്റെ ഓട്ടോണമസ് ടാക്സികൾ എത്തും.

അടുത്ത ഘട്ടത്തിൽ ജുമൈറ, ഉമ്മു സുഖീം മേഖലകളിൽ ഊബർ ആപ്പ് വഴി നേരിട്ടുള്ള ‘ഡോർ-ടു-ഡോർ’ (Door-to-door) ഓട്ടോണമസ് യാത്രകൾ ആരംഭിക്കും. നിശ്ചിത പിക്ക്-അപ്പ്, ഡ്രോപ്പ്-ഓഫ് സ്റ്റേഷനുകളെ ആശ്രയിക്കാതെ തന്നെ യാത്രക്കാർക്ക് ഈ മേഖലകളിലെ വിവിധ ഇടങ്ങളിലേക്ക് യാത്ര ചെയ്യാൻ സാധിക്കും.

ജനവാസ മേഖലകൾ, വാണിജ്യ കേന്ദ്രങ്ങൾ, തിരക്കേറിയ റോഡുകൾ എന്നിവിടങ്ങളിലേക്ക് സേവനം വ്യാപിപ്പിക്കുന്നതിനൊപ്പം പ്രവർത്തന അടിസ്ഥാന സൗകര്യങ്ങൾ (Operational infrastructure) വികസിപ്പിക്കാനും ഓട്ടോണമസ് ഡ്രൈവിംഗ് സാങ്കേതികവിദ്യയുള്ള കമ്പനികളുമായുള്ള പങ്കാളിത്തം ശക്തിപ്പെടുത്താനും ഊബർ ലക്ഷ്യമിടുന്നു.

പരീക്ഷണാടിസ്ഥാനത്തിലുള്ള പ്രവർത്തനങ്ങളിൽ നിന്ന് വിപുലമായ വാണിജ്യ സേവനങ്ങളിലേക്കുള്ള സുപ്രധാന ചുവടുവയ്പ്പാണ് ഈ നിക്ഷേപമെന്ന് ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) ഡയറക്ടർ ജനറലും എക്സിക്യൂട്ടീവ് ഡയറക്ടർ ബോർഡ് ചെയർമാനുമായ മത്താർ അൽ തായർ പറഞ്ഞു. 2030-ഓടെ ദുബായിലെ ആകെ യാത്രകളുടെ 25 ശതമാനം സ്വയംനിയന്ത്രിതമാക്കുക എന്ന ‘ദുബായ് ഓട്ടോണമസ് ട്രാൻസ്‌പോർട്ടേഷൻ സ്ട്രാറ്റജി’ക്ക് ഇത് വലിയ പിന്തുണ നൽകുമെന്നും അദ്ദേഹം കൂട്ടിച്ചേർത്തു.

Facebook
Twitter
LinkedIn
Telegram
WhatsApp
Print
Facebook
Twitter
Telegram
WhatsApp
Visit website
Search

Kerala News

More Posts

error: Content is protected !!