അബുദാബിയിലെ അൽ റാഹ (Al Raha) മേഖലയിലുള്ള ഖോർ ഗനാദ സ്ട്രീറ്റിലെ (Khor Ghanadhah Street) പാലം മൂന്ന് ദിവസത്തേക്ക് താൽക്കാലികമായി അടച്ചിടുമെന്ന് അബുദാബി മൊബിലിറ്റി (Abu Dhabi Mobility) അറിയിച്ചു. 2026 നവംബർ 20 വെള്ളിയാഴ്ച രാത്രി 11 മുതൽ നവംബർ 23 തിങ്കളാഴ്ച പുലർച്ചെ 5 വരെയാണ് ഗതാഗത നിയന്ത്രണം ഏർപ്പെടുത്തിയിരിക്കുന്നത്.
ശൈഖ് സായിദ് ബിൻ സുൽത്താൻ സ്ട്രീറ്റിനും (Sheikh Zayed bin Sultan Street) അഹമ്മദ് ബിൻ അബ്ദുൽ അസീസ് അൽ മുബാറക് സ്ട്രീറ്റിനും (Ahmed bin Abdulaziz Al Mubarak Street) സമീപമുള്ള ഖോർ ഗനാദ സ്ട്രീറ്റിന്റെ ഭാഗത്താണ് നിയന്ത്രണം. സമീപത്തെ ജനവാസ മേഖലകളിലേക്കും മറ്റ് കേന്ദ്രങ്ങളിലേക്കും പോകുന്ന വാഹനയാത്രികരെ ഇത് ബാധിച്ചേക്കാം.
പാലം അടച്ചിടുന്നതിന്റെ കാരണം അധികൃതർ വ്യക്തമാക്കിയിട്ടില്ല. വാരാന്ത്യത്തിൽ ഈ റൂട്ടിലൂടെ യാത്ര ചെയ്യുന്നവർ മുൻകൂട്ടി യാത്ര ആസൂത്രണം ചെയ്യാനും, അധിക സമയം കണക്കാക്കി യാത്ര തിരിക്കാനും, അധികൃതർ പുറത്തുവിട്ട ട്രാഫിക് മാപ്പും റോഡിലെ ദിശാസൂചികകളും കർശനമായി പാലിക്കാനും അബുദാബി മൊബിലിറ്റി നിർദ്ദേശിച്ചു.






