യു എ ഇയിലെത്തുന്ന ടൂറിസ്റ്റുകൾക്ക് അബുദാബിയിലേക്ക് പ്രവേശിക്കാൻ കോവിഡ് -19 വാക്സിന്റെ ബൂസ്റ്റർ ഡോസ് (മൂന്നാം ഡോസ് ) ആവശ്യമില്ലെന്ന് അബുദാബി സാംസ്‌കാരിക ടൂറിസം വകുപ്പ് ഇന്ന് വെള്ളിയാഴ്ച അറിയിച്ചു.
ടൂറിസ്റ്റുകൾക്കുള്ള പുതിയ മാർഗ്ഗനിർദ്ദേശങ്ങൾ അനുസരിച്ച്, വാക്സിനേഷൻ എടുത്ത ടൂറിസ്റ്റുകൾ അവരുടെ 2 ഡോസ് എടുത്ത വാക്സിനേഷൻ സ്റ്റാറ്റസിന്റെ തെളിവ് അവരുടെ മാതൃരാജ്യത്തിന്റെ ഔദ്യോഗിക വാക്സിനേഷൻ സർട്ടിഫിക്കറ്റ് മുഖേന മൊബൈൽ ആപ്പ് അല്ലെങ്കിൽ ഫിസിക്കൽ സർട്ടിഫിക്കറ്റ് വഴി ഹാജരാക്കുകയും കഴിഞ്ഞ 14 ദിവസത്തിനുള്ളിൽ ലഭിച്ച നെഗറ്റീവ് പിസിആർ പരിശോധനാ ഫലം ഹാജരാക്കുകയും വേണം. അല്ലെങ്കിൽ വിനോദസഞ്ചാരികളുടെ മാതൃരാജ്യത്ത് നിന്ന് ലഭിച്ച 48 മണിക്കൂർ പിസിആർ പരിശോധന നെഗറ്റീവ് ഫലം ഹാജരാക്കിയാലും മതി.
2 ഡോസ് വാക്സിൻ എടുക്കാത്ത ടൂറിസ്റ്റുകൾ കഴിഞ്ഞ 96 മണിക്കൂറിനുള്ളിൽ ലഭിച്ച നെഗറ്റീവ് പിസിആർ ഫലം കാണിച്ചും അബുദാബിയിലേക്ക് പ്രവേശിക്കാം.
ദുബായ്-അബുദാബി റോഡ് എൻട്രി പോയിന്റ് വഴി എമിറേറ്റിലേക്ക് പ്രവേശിക്കുന്ന ടൂറിസ്റ്റുകൾക്കായി, അബുദാബി സാംസ്‌കാരിക ടൂറിസം വകുപ്പ് എൻട്രി പോയിന്റിൽ വലത് പാതയിൽ ലെയിൻ 1ൽ ഒരു സമർപ്പിത ടൂറിസ്റ്റ് പാത ഒരുക്കിയിട്ടുണ്ട്. എമിറേറ്റിലേക്കുള്ള തടസ്സമില്ലാത്ത പ്രവേശനം ഉറപ്പാക്കാനും ഏത് വെല്ലുവിളികളും നേരിടാനും ഈ പാതയിൽ ഒരു നിയുക്ത അതിഥി സേവന ഓഫീസും ഉദ്യോഗസ്ഥരുമുണ്ട്.
