ഷാർജയിലെ സുപ്രീം കൗൺസിൽ അംഗവും ഷാർജ ഭരണാധികാരിയുമായ ഡോ. ഷെയ്ഖ് സുൽത്താൻ ബിൻ മുഹമ്മദ് അൽ ഖാസിമി ഭരണത്തിലേറിയ പ്രവേശന ദിനത്തിന്റെ 50-ാം വാർഷികം നാളെ ജനുവരി 25 ന് ആഘോഷിക്കുകയാണ്.
ജനുവരി 25 ഷാർജ എമിറേറ്റിന്റെ ചരിത്രത്തിലെ ഒരു സുപ്രധാന നാഴികക്കല്ലാണ്. തന്റെ പൗരന്മാരെ സേവിക്കാൻ ചിന്തയും വിവേകവും ഉപയോഗിച്ച് ഷാർജയെ തന്റെ നേതൃത്വത്തിന്‍റെയും ഉൾക്കാഴ്ചയുടെയും സഹായത്തോടെ പുരോഗതിയുടെ പാതയിൽ ഉറച്ചതും ആത്മവിശ്വാസമുള്ളതുമായ ചുവടുകൾ വെയ്ക്കാൻ പ്രേരിപ്പിച്ച ഒരു മഹാനായ നേതാവിന്റെ ഗുണപരമായ നേട്ടങ്ങൾ ഈ ദിനത്തിൽ നാം ആദരിക്കുന്നു.
അരനൂറ്റാണ്ട് മുമ്പ്, ഷാർജ എമിറേറ്റ് ഒരു ചരിത്രപരമായ പരിവർത്തനത്തിനും ശോഭനമായ ഭാവിയിലേക്കുള്ള ഒരു പുതിയ വികസന വഴിത്തിരിവിനും സാക്ഷ്യം വഹിച്ചു. അന്നാണ് സുപ്രീം കൗൺസിൽ അംഗവും ഷാർജ ഭരണാധികാരിയുമായ ഡോ. ഷെയ്ഖ് സുൽത്താൻ ബിൻ മുഹമ്മദ് അൽ ഖാസിമി ഭരണാധികാരിയായി തന്റെ സ്ഥാനം ഏറ്റെടുത്തത്.
കഴിഞ്ഞ 50 വർഷമായി ഷാർജ എല്ലാ മേഖലകളിലും പരിഷ്‌കൃത നവോത്ഥാനത്തിനും പുരോഗതിക്കും സമൃദ്ധിക്കും സാക്ഷ്യം വഹിച്ചു. 1972 ജനുവരി 25-ന് രാവിലെ, ഷാർജ എമിറേറ്റിന്റെ ചരിത്രത്തിലെ ഒരു സുപ്രധാന ദിനമായി അടയാളപ്പെടുത്തി, അൽ ഖാസിമി കുടുംബത്തിന്റെ അടിയന്തര യോഗം ഷെയ്ഖ് ഹമദ് ബിൻ മാജിദ് അൽ ഖാസിമിയുടെ വീട്ടിൽ വിളിച്ചു. ഡോ. ഷെയ്ഖ് സുൽത്താൻ ബിൻ മുഹമ്മദ് അൽ ഖാസിമിയെ ഷാർജയുടെ ഭരണാധികാരിയായി നിർദ്ദേശിച്ചു, അത് ഏകകണ്ഠമായി അംഗീകരിക്കപ്പെട്ടു.
ഷാർജ ഭരണാധികാരിയായി 50 വർഷം തികയുന്ന ഡോ. ഷെയ്ഖ് സുൽത്താന് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം ആശംസകളും അറിയിച്ചു.
നാളെ ചൊവ്വ എന്റെ സഹോദരൻ ഡോ. ഷെയ്ഖ് സുൽത്താൻ ബിൻ മുഹമ്മദ് അൽ ഖാസിമി ഷാർജയിൽ അധികാരമേറ്റിട്ട് 50 വർഷം തികയുകയാണ്. ഷെയ്ഖ് സുൽത്താൻ യൂണിയന്റെ നട്ടെല്ലിൽ ഒരാളാണ്, ശാസ്ത്രവും സംസ്‌കാരവും സമന്വയിപ്പിക്കുന്ന നേതാവും രാജ്യത്തെ കെട്ടിട നിർമ്മാണത്തിന്റെയും വാസ്തുവിദ്യയുടെയും സേവനത്തിന്റെയും പ്രധാന സാരഥിയുമാണ്. ഷെയ്ഖ് സുൽത്താന്റെ കുടുംബത്തിനെയും ജനങ്ങളെയും അള്ളാഹു അനുഗ്രഹിക്കട്ടെ,” ഷെയ്ഖ് മുഹമ്മദ് ട്വീറ്റ് ചെയ്തു.
