അഞ്ച് മുതൽ പതിനൊന്ന് വരെ പ്രായമുള്ള കുട്ടികൾ കോവിഡ് -19 ഫൈസർ-ബയോഎൻടെക് വാക്സിൻ ബൂസ്റ്റർ ഡോസ് എടുക്കേണ്ടതില്ലെന്ന് യുഎഇയിലെ ഹെൽത്ത് സെക്ടറിന്റെ ഔദ്യോഗിക വക്താവ് ഡോ ഫരീദ അൽ ഹൊസാനി അറിയിച്ചു.
കുട്ടികൾക്കുള്ള ഫൈസർ-ബയോഎൻടെക് വാക്സിൻ രണ്ട് ഡോസുകളിലായാണ് നൽകുന്നത്, ആദ്യ ഡോസിന് മൂന്ന് ആഴ്ചകൾക്ക് ശേഷം (21 ദിവസം) രണ്ടാമത്തെ ഡോസ് നൽകുമെന്ന് ഡോ ഫരീദ അൽ ഹൊസാനി പറഞ്ഞു. “ബൂസ്റ്റർ ഷോട്ട് (കുട്ടികൾക്കായി) ശുപാർശ ചെയ്യുന്നില്ല,” ഡോ ഹൊസാനി പ്രതിവാര കോവിഡ് -19 ബ്രീഫിംഗിൽ പറഞ്ഞു.
അംഗീകൃത ആരോഗ്യ കേന്ദ്രങ്ങളിൽ അഞ്ച് മുതൽ 11 വയസ്സുവരെയുള്ള കുട്ടികൾക്ക് ഫൈസർ-ബയോഎൻടെക് വാക്സിൻ നൽകുമെന്ന് യുഎഇയിലെ ആരോഗ്യ അധികൃതർ അടുത്തിടെ പ്രഖ്യാപിച്ചിരുന്നു.
