തീവ്രവാദത്തിനും വധശിക്ഷാ കുറ്റത്തിനും ശിക്ഷിക്കപ്പെട്ട 81 വ്യക്തികൾക്ക് വധശിക്ഷ നടപ്പാക്കിയതായി സൗദി അറേബ്യയുടെ ആഭ്യന്തര മന്ത്രാലയം അറിയിച്ചു.
ആഭ്യന്തര മന്ത്രാലയം ഔദ്യോഗിക വാര്ത്താ ഏജന്സി വഴിയാണ് ഇക്കാര്യം അറിയിച്ചത്. തീവ്രവാദത്തിന് പുറമെ നിരപരാധികളായ പുരുഷന്മാരെയും സ്ത്രീകളെയും കുട്ടികളെയും കൊലപ്പെടുത്തിയവരും വധശിക്ഷ നടപ്പാക്കപ്പെട്ടവരില് ഉള്പ്പെടുന്നു.
തീവ്രവാദ സംഘടനകളായ ഐ.എസ്, അല് കയ്ദ എന്നിങ്ങനെയുള്ള വിദേശ തീവ്രവാദി സംഘടനകളില് ചേര്ന്നവരും സൗദി അറേബ്യയിലെ ജനങ്ങളെ ആക്രമിക്കുന്ന ഹുതികള് ഉള്പ്പെടെയുള്ളവരും തീവ്രവാദ സംഘനകളില് ചേരാന് വേണ്ടി സംഘര്ഷം നിലനില്ക്കുന്ന പ്രദേശങ്ങളിലേക്ക് യാത്ര ചെയ്തവരുമൊക്കെയാണ് വധശിക്ഷക്ക് വിധിക്കപ്പെട്ടതെന്ന് ഔദ്യോഗിക അറിയിപ്പില് പറയുന്നു.
രാജ്യത്തിനെതിരെ “ശത്രു” ആക്രമണങ്ങൾ നടത്തുന്ന “തീവ്രവാദ ഗ്രൂപ്പുകളുമായി” ഗൂഢാലോചന നടത്തിയതിന് കുറ്റക്കാരായ മറ്റ് നിരവധി പേർക്കും വധശിക്ഷ വിധിച്ചതായി മന്ത്രാലയം അറിയിച്ചു. ഹൂതി മിലിഷ്യയുമായി ബന്ധമുള്ള ഒരു ഭീകരസംഘം രൂപീകരിച്ച യെമനികളും ഇതിൽ ഉൾപ്പെടുന്നു.
വിദേശത്ത് നിന്നുള്ള ഉത്തരവനുസരിച്ച് തീവ്രവാദ കേന്ദ്രങ്ങൾ രൂപീകരിച്ച സൗദി പൗരന്മാരിൽ കുറ്റക്കാരായ കുറ്റവാളികളെയും വധിച്ചിട്ടുണ്ട്. കൊലപാതകം, ബലാത്സംഗം തുടങ്ങിയ കുറ്റങ്ങൾക്ക് ശിക്ഷിക്കപ്പെട്ടവർക്കും വധശിക്ഷ നടപ്പാക്കിയതായി മന്ത്രാലയം അറിയിച്ചു.
