ഇന്ത്യന് പ്രീമിയര് ലീഗ് 15ആം സീസണ് ആരംഭിക്കാന് വെറും രണ്ട് ദിനം മാത്രം ബാക്കി നില്ക്കെ ചെന്നൈ സൂപ്പര് കിങ്സിന്റെ ക്യാപ്റ്റന് സ്ഥാനമൊഴിഞ്ഞ് എം.എസ് ധോണി. നായക സ്ഥാനം ഒഴിയുകയാണെന്ന് പ്രഖ്യാപിച്ച ധോണി നായക സ്ഥാനം രവീന്ദ്ര ജഡേജക്ക്(Ravindra Jadeja) കൈമാറുകയാണെന്നും പ്രഖ്യാപിച്ചു.
2008ല് ഐപിഎല്ലിലെ അരങ്ങേറ്റ സീസണ് മുതല് ചെന്നൈയുടെ നായകനായിരുന്നു ധോണി.ചെന്നൈയെ നാലു തവണ കിരീടത്തിലേക്ക് നയിച്ച ധോണി, രോഹിത് ശര്മക്കുശേഷം ഐപിഎല്ലില് ഏറ്റവും കൂടുതല് തവണ കിരീടം നേടിയ നായകനുമാണ്. ക്യാപ്റ്റന് സ്ഥാനം ഒഴിഞ്ഞെങ്കിലും കളിക്കാരനെന്ന നിലയില് ഈ സീസണിലും വരും സീസണിലും ധോണി ടീമിലുണ്ടാവുമെന്ന് ചെന്നൈ സൂപ്പര് കിംഗ്സ് വാര്ത്താക്കുറിപ്പില് വ്യക്തമാക്കി.