ദുബായ് എയർപോർട്ട് റൺവേ അടച്ചുപൂട്ടുന്നതിനെത്തുടർന്ന് പ്രവർത്തനങ്ങളിൽ മാറ്റം : മുന്നറിയിപ്പുമായി ഫ്‌ളൈദുബായ്

ദുബായ് ഇന്റർനാഷണലിലെ നോർത്തേൺ റൺവേ അടച്ചുപൂട്ടുന്നതിനെത്തുടർന്ന് 2022 മെയ് 9 മുതൽ ജൂൺ 22 വരെ 45 ദിവസത്തേക്ക് ദുബായ് വേൾഡ് സെൻട്രലിൽ (DWC) നിന്ന് തിരഞ്ഞെടുത്ത സ്ഥലങ്ങളിലേക്ക് ഫ്ലൈറ്റുകൾ സർവീസ് നടത്തുമെന്ന് ഫ്‌ളൈദുബായ് അറിയിച്ചു.

DWC-യിൽ, ഫ്ലൈദുബായ് വാഗ്ദാനം ചെയ്യുന്ന എല്ലാ യാത്രാ സേവനങ്ങളുടെയും പ്രയോജനം യാത്രക്കാർക്ക് തുടർന്നും ലഭിക്കും. മറ്റെല്ലാ ഫ്ലൈദുബായ് ലക്ഷ്യസ്ഥാനങ്ങളിലേക്കുള്ള ഫ്ലൈറ്റുകൾ ദുബായ് ഇന്റർനാഷണലിലെ (DXB) ടെർമിനൽ 2, ടെർമിനൽ 3 എന്നിവയിൽ നിന്ന് തുടർന്നും പ്രവർത്തിക്കും.

യാത്രയ്‌ക്ക് മുമ്പ് തങ്ങളുടെ പുറപ്പെടൽ, എത്തിച്ചേരൽ വിമാനത്താവളങ്ങൾ പരിശോധിച്ച് ശരിയായ വിവരങ്ങൾ ഉണ്ടെന്ന് യാത്രക്കാർ ഉറപ്പാക്കണം. കൂടുതൽ വിവരങ്ങൾക്ക് flydubai.com എന്ന വെബ്‌സൈറ്റ് സന്ദർശിക്കാം.