ഈ വർഷം ആദ്യ പാദത്തിൽ 2,822,288 ദിർഹം വിലമതിക്കുന്ന 70,060 വ്യാജ വസ്തുക്കൾ പിടിച്ചെടുത്തതായി
റാസൽഖൈമയിലെ സാമ്പത്തിക വികസന വകുപ്പ് അറിയിച്ചു.
പെർഫ്യൂമുകൾ, സൗന്ദര്യവർദ്ധക വസ്തുക്കൾ, ആഭരണങ്ങൾ, ഭക്ഷ്യ ഉൽപന്നങ്ങൾ, പാൽ ഉൽപന്നങ്ങൾ, വസ്ത്രങ്ങൾ എന്നിവയാണ് കണ്ടുകെട്ടിയ വസ്തുക്കളുടെ പട്ടികയിൽ മുന്നിൽ.
വ്യാപാരികൾ, ഉപഭോക്താക്കൾ, ബ്രാൻഡ് ഉടമകൾ എന്നിവരിൽ നിന്നുള്ള പരാതികളെത്തുടർന്ന് വാണിജ്യ സംരക്ഷണ വിഭാഗം വിപണികൾ നിരീക്ഷിക്കുകയും ബോധവൽക്കരണ, വിദ്യാഭ്യാസ കാമ്പെയ്‌നുകളുടെ ഒരു പരമ്പര നടത്തുകയും ചെയ്യുന്നുവെന്ന് RAK, സാമ്പത്തിക വികസന വകുപ്പിലെ വാണിജ്യ സംരക്ഷണ വിഭാഗം ഡയറക്ടർ സെയ്ഫ് അൽ സുവൈദി പറഞ്ഞു.
