അഫ്ഗാനിസ്ഥാനിലെ ഭൂകമ്പ ദുരിതാശ്വാസ പ്രവർത്തനങ്ങളെ സഹായിക്കാൻ 1,000 ചതുരശ്ര മീറ്റർ ഫീൽഡ് ഹോസ്പിറ്റൽ ഉൾപ്പെടെ മൂന്ന് വിമാനങ്ങൾ നിറയെ ചരക്ക് ഇതിനകം യുഎഇ അയച്ചിട്ടുണ്ട്. 75 കിടക്കകളും മെഡിക്കൽ സപ്ലൈകളും ഉപകരണങ്ങളും അടങ്ങിയ രണ്ട് ഓപ്പറേഷൻ റൂമുകളും ആശുപത്രിയിൽ ഉൾപ്പെടുന്നു.
കഴിഞ്ഞ മാസം നടന്ന ദുരന്തത്തെത്തുടർന്ന് ആശ്വാസം നൽകുന്നതിനായി ഒരു എയർ ബ്രിഡ്ജ് സ്ഥാപിക്കാൻ പ്രസിഡന്റ് ഷെയ്ഖ് മുഹമ്മദ് ഉത്തരവിട്ടതിന് ശേഷമാണ് ഈ 3 വിമാനങ്ങൾ പറന്നത്.
ആശുപത്രി പ്രവർത്തിപ്പിക്കുന്നതിനും സേവനങ്ങൾ നൽകുന്നതിനുമായി യുഎഇ 16 ടൺ ഉപകരണങ്ങളും ഒരു മെഡിക്കൽ ടീമിനെയും അയച്ചു. ഫീൽഡ് ഹോസ്പിറ്റലും മെഡിക്കൽ എയ്ഡും മെഡിക്കൽ അത്യാഹിതങ്ങളോട് അതിവേഗം പ്രതികരിക്കുന്നതിനും അടുത്തിടെ അഫ്ഗാൻ നഗരമായ ഖോസ്റ്റിന്റെ തെക്ക്-കിഴക്ക് ഉണ്ടായ ഭൂകമ്പത്തിൽ നാശനഷ്ടം സംഭവിച്ചവരെ പിന്തുണയ്ക്കുന്നതിനുമുള്ള ശ്രമങ്ങളുടെ ഭാഗമാണ് ഇതെന്ന് ,” അഫ്ഗാനിസ്ഥാനിലെ യുഎഇ അംബാസഡർ ഈസ അൽദാഹേരി പറഞ്ഞു.
