ഒരു ദിവസത്തെ യാത്രക്കായി ഒമാനിൽ പോയ മഹാരാഷ്ട്രയിൽ നിന്നുള്ള 42 കാരനായ ഇന്ത്യൻ പ്രവാസിയും ആറ് വയസുള്ള മകനും ഒമാനിലെ ബീച്ചിൽ മുങ്ങിമരിക്കുകയും മകളെ കടലിൽ കാണാതാവുകയും ചെയ്തതായി മരണപ്പെട്ടവരുടെ കുടുംബാംഗം ഇന്ന് ബുധനാഴ്ച അറിയിച്ചു.
ശശികാന്ത് മഹനേയും ഭാര്യയും ദുബായ് നിവാസികളായ മക്കളായ ശ്രേയയും (9) ശ്രേയസും (6) ഞായറാഴ്ച ഒമാനിലേക്ക് ഒരു ദിവസത്തെ യാത്രയ്‌ക്കായി എത്തിയിരുന്നതായി മഹനേയുടെ സഹോദരൻ പറഞ്ഞു.
പ്രാഥമിക വിവരം അനുസരിച്ച്, മഹേനയുടെ മകൾ ശ്രേയയും ശ്രേയസും വെള്ളത്തിൽ കളിക്കുന്നതിനിടെ ശക്തമായ തിരമാലയിൽ ഒലിച്ചുപോയപ്പോൾ രക്ഷിക്കാനുള്ള ശ്രമത്തിനിടെ ശശികാന്ത് മഹേനയും മുങ്ങിമരിക്കുകയായിരുന്നു.
ശശികാന്തിന്റെയും മകന്റെയും മൃതദേഹങ്ങൾ പുറത്തെടുത്തെങ്കിലും കടലിൽ പെട്ടുപോയ മകൾക്കായി തിരച്ചിൽ തുടരുകയാണെന്ന് റോയൽ ഒമാൻ പോലീസ് അറിയിച്ചു.
