യുഎഇയിൽ നിന്ന് ഡൽഹി, മുംബൈ, ചെന്നൈ എന്നിവയുൾപ്പെടെ പ്രധാന ഇന്ത്യൻ നഗരങ്ങളിലേക്കുള്ള ഫ്ലൈറ്റ് ടിക്കറ്റുകൾക്ക് യാത്രക്കാർക്ക് 330 ദിർഹം വരെ നിരക്ക് വരും. ദുബായിൽ നിന്ന് കൊച്ചി, കോഴിക്കോട്, ഡൽഹി, മുംബൈ, ചെന്നൈ, ഗോവ, ബെംഗളൂരു, ഹൈദരബാദ്, ഇൻഡോർ എന്നീ നഗരങ്ങളിലേക്കാണ് 330 ദിർഹത്തിന് യാത്ര ചെയ്യാൻ സാധിക്കുക. ഷാർജയിൽ നിന്നും കോഴിക്കോട്ടേക്കും അബുദാബിയിൽ നിന്നും മുംബൈയിലേക്കും 330 ദിർഹത്തിന് യാത്ര ചെയ്യാം.
“വൺ ഇന്ത്യ വൺ ഫെയർ” എന്ന സംരംഭത്തിന് കീഴിൽ, എല്ലാ ഗൾഫ് സ്റ്റേഷനുകളിൽ നിന്നും (ഒമാൻ ഒഴികെ) ഇന്ത്യയിലെ ഏത് ലക്ഷ്യസ്ഥാനത്തേയ്ക്കും നേരിട്ടുള്ള എല്ലാ വിമാനങ്ങളിലും ആകർഷകമായ വൺ-വേ നിരക്കുകൾ എയർലൈൻ വാഗ്ദാനം ചെയ്യുന്നു. 2022 ഓഗസ്റ്റ് 8 മുതൽ 21 വരെ യാത്രക്കാർക്ക് ഈ ഓഫർ ലഭിക്കും.
2022 ഒക്‌ടോബർ 15 വരെയുള്ള യാത്രയ്‌ക്കായി പ്രമോഷൻ കാലയളവിൽ വിൽക്കുന്ന എല്ലാ ടിക്കറ്റുകളിലും യാത്രക്കാർക്ക് ചെക്ക് ഇൻ ബാഗേജ് അലവൻസായി 35 കിലോയും ഹാൻഡ് ലഗേജും 8 കിലോഗ്രാം അനുവദിച്ചിട്ടുണ്ട്. സ്കീമിന് കീഴിൽ ലഭ്യമായ പരിമിതമായ സീറ്റുകൾ, ആദ്യം വരുന്നവർക്ക് ആദ്യം എന്ന അടിസ്ഥാനത്തിൽ യാത്രക്കാർക്ക് വാഗ്ദാനം ചെയ്യും
ഈ പ്രത്യേക നിരക്കുകൾ എയർ ഇന്ത്യയുടെ വെബ്‌സൈറ്റിലും/മൊബൈൽ ആപ്പിലും അംഗീകൃത ട്രാവൽ ഏജന്റുമാർ വഴിയും ലഭ്യമാകും.
