യുഎഇയിൽ ഇന്ധനവില ആറുമാസത്തെ ഏറ്റവും താഴ്ന്ന നിലയിലേക്ക് താഴ്ന്നതോടെ ഷാർജയിലും അജ്മാനിലും അധികൃതർ ടാക്സി നിരക്കിൽ ഇളവ് പ്രഖ്യാപിച്ചു. ഷാർജയിൽ മിനിമം നിരക്ക് 1 ദിർഹം കുറഞ്ഞപ്പോൾ അജ്മാനിൽ താരിഫ് ആറ് ശതമാനമാണ് കുറച്ചത്.
ഷാർജ റോഡ്‌സ് ആൻഡ് ട്രാൻസ്‌പോർട്ട് അതോറിറ്റിയുടെ അറിയിപ്പ് പ്രകാരം, ടാക്സി മീറ്റർ രാവിലെ 8 മുതൽ രാത്രി 10 മണിവരെ 4 ദിർഹം മുതൽആരംഭിക്കും, ഓഗസ്റ്റിലെ 15.5 ദിർഹത്തെ അപേക്ഷിച്ച് 14.5 ദിർഹമാണ് കുറഞ്ഞ നിരക്ക്. രാത്രി 10 മണിക്കും രാവിലെ 6 മണിക്കും ഇടയിൽ, മീറ്റർ 6 ദിർഹത്തിൽ ആരംഭിക്കുന്നു, കുറഞ്ഞ നിരക്ക് 16.5 ദിർഹം ആയിരുന്നു, കഴിഞ്ഞ മാസം 17.5 ദിർഹം ആയിരുന്നു. 5 ശതമാനം മൂല്യവർധിത നികുതി ഉൾപ്പെടെയുള്ളതാണ് താരിഫ്.
ഷാർജയിലെയും അജ്മാനിലെയും ടാക്സി താരിഫ് യുഎഇ കമ്മിറ്റി എല്ലാ മാസാവസാനം പ്രഖ്യാപിക്കുന്ന ഇന്ധന വിലയുമായി ബന്ധപ്പെട്ടാണിരിക്കുന്നത്. ഇന്ധനവില വർധിച്ചതോടെ ജൂലൈയിൽ യാത്രാനിരക്ക് വർധിപ്പിച്ചിരുന്നുവെങ്കിലും ഓഗസ്റ്റിൽ പെട്രോൾ നിരക്ക് കുറച്ചതോടെ നിരക്ക് കുറയുകയായിരുന്നു.
