അബുദാബിയിൽ അടിയന്തര സിസേറിയൻ ആവശ്യമായ ഒരു അറബ് സ്ത്രീയുടെ അടുത്തേക്ക് അബുദാബി പോലീസ് മെഡിക്കൽ സ്റ്റാഫിനെ എത്തിച്ച് അവളുടെ ഇരട്ട നവജാതശിശുക്കളെ അടുത്തുള്ള ആശുപത്രിയിലേക്ക് എയർലിഫ്റ്റ് ചെയ്തു.
ഒരു അറബ് മാതാവ് ഡെൽമ ഐലൻഡ് ഹോസ്പിറ്റലിൽ അതീവ ഗുരുതരാവസ്ഥയിലായിരുന്നുവെന്ന് സെൻട്രൽ ഓപ്പറേഷൻസ് സെക്ടറിലെ പോലീസിന്റെ ഏവിയേഷൻ ഡിപ്പാർട്ട്‌മെന്റിന് റിപ്പോർട്ട് കിട്ടിയിരുന്നു.
തുടർന്ന് അമ്മയ്ക്ക് അടിയന്തര സി-സെക്ഷൻ ചികിത്സ നൽകിയ ശേഷം, അവരുടെ മാസം തികയാതെയുള്ള കുഞ്ഞുങ്ങളെ ഇൻകുബേറ്ററിൽ അൽ ദഫ്ര മേഖലയിലെ മദീനത്ത് സായിദ് ഹോസ്പിറ്റലിലേക്ക് എയർലിഫ്റ്റ് ചെയ്ത് ആവശ്യമായ പരിചരണം നൽകുകയായിരുന്നു.
എയർ ആംബുലൻസ് ട്രാൻസ്ഫർ സമയത്ത് പരിചരണത്തിനായി ഏറ്റവും മികച്ചതും അത്യാധുനികവുമായ ഉപകരണങ്ങൾ ഉപയോഗിക്കുന്ന രോഗികൾക്ക് പിന്തുണ നൽകിയതിൽ അബുദാബി പോലീസിനും അവരുടെ എയർ പാരാമെഡിക്കുകൾക്കും അമ്മ നന്ദി പറയുകയും ചെയ്തു.
