യുഎഇയിൽ മൂടൽമഞ്ഞ് രൂപപ്പെടുന്നതിനാൽ തിരശ്ചീന ദൃശ്യപരത കുറയുമെന്നും ഗതാഗത നിയന്ത്രണങ്ങൾ പാലിക്കണമെന്നും യുഎഇ കാലാവസ്ഥാ വകുപ്പായ നാഷണൽ സെന്റർ ഓഫ് മെറ്റീരിയോളജി വാഹനമോടിക്കുന്നവരോട് അഭ്യർത്ഥിച്ചു. സ്ഥിതി കൂടുതൽ വഷളായേക്കാം, ബുധനാഴ്ച പുലർച്ചെ 1 മുതൽ രാവിലെ 9:30 വരെ ചില തീരപ്രദേശങ്ങളിലും ആന്തരിക പ്രദേശങ്ങളിലും ദൃശ്യപരത ഇനിയും കുറയാമെന്ന് കാലാവസ്ഥാ വകുപ്പ് മുന്നറിയിപ്പ് നൽകി.
മൂടൽമഞ്ഞിൽ ദൂരക്കാഴ്ച കുറയുന്നതിനാൽ വാഹനമോടിക്കുന്നവർ ജാഗ്രത പാലിക്കണമെന്ന് അബുദാബി പോലീസ് അറിയിച്ചു. ഇലക്‌ട്രോണിക് ഇൻഫർമേഷൻ ബോർഡുകളിൽ പ്രദർശിപ്പിച്ചിരിക്കുന്ന ട്രാഫിക് സ്പീഡ് ലിമിറ്റ് മാറ്റുന്നത് പാലിക്കാൻ ഡ്രൈവർമാരോട് അഭ്യർത്ഥിക്കുന്നു.
മദീനത്ത് സായിദിന്റെ തെക്ക് പടിഞ്ഞാറ് ഭാഗത്തുള്ള മുഖരിസ് ഉൾപ്പെടെയുള്ള അൽ ദഫ്ര മേഖലയിൽ നേരിയ മഴ പെയ്തതായും കാലാവസ്ഥാ വകുപ്പ് റിപ്പോർട്ട് ചെയ്തു.
