ഇന്ന് നവംബർ 11 വെള്ളിയാഴ്ച ഷാർജ അന്താരാഷ്ട്ര പുസ്തകമേളയിൽ ബോളിവുഡ് സൂപ്പർസ്റ്റാർ ഷാരൂഖ് ഖാൻ അതിഥിയായി എത്തും. “ഇന്ത്യൻ, അന്താരാഷ്ട്ര സിനിമയുടെ ഇതിഹാസം ഷാർജയിലേക്ക് വരുന്നു!” ഷാർജ ബുക്ക് അതോറിറ്റി അവരുടെ ഇൻസ്റ്റാഗ്രാം പേജിലൂടെയാണ് ഇക്കാര്യം അറിയിച്ചിരിക്കുന്നത്.
മേളയുടെ 41-ാം പതിപ്പിനായി ആഗോള ഐക്കൺ ഇന്ന് വൈകുന്നേരം 6 മണിക്ക് എത്തുമെന്നാണ് പ്രതീക്ഷിക്കുന്നത്. പുസ്തകമേളയുടെ ആദ്യ ഗ്ലോബൽ ഐക്കൺ ഓഫ് സിനിമയുടെയും കൾച്ചറൽ ആഖ്യാനത്തിന്റെയും ബഹുമതി അദ്ദേഹത്തിന് ലഭിക്കും.
ആത്മകഥാ പ്രകാശനത്തിനും അമിതാബച്ചനുമായി ബന്ധപ്പെട്ട പുസ്തകത്തിന്റെ പ്രകാശനത്തിനുമായിട്ടാണ് ഓസ്‌കാര്‍ ജേതാവ് റസൂല്‍ പൂക്കുട്ടി വൈകീട്ട് 5 മണിക്ക് പുസ്തകമേളയിലെത്തുന്നത്. എക്സ്പോ സെന്ററിലെ ബാള്‍റൂമില്‍ സിനിമാ പ്രേമികളുമായി ഇരുവരും സംവദിക്കും.
