ദുബായിലെ ഗ്രാമപ്രദേശങ്ങളെ വിനോദസഞ്ചാര കേന്ദ്രങ്ങളാക്കി വികസിപ്പിക്കുന്നതിനുള്ള സമഗ്ര പദ്ധതിക്ക് ദുബായ് ഭരണാധികാരി അംഗീകാരം നൽകി. വികസന പദ്ധതിയിൽ 100 കിലോമീറ്റർ പ്രകൃതിദത്തമായ റൂട്ട്, പ്രകൃതിദത്ത റിസർവ്, മരുഭൂമിയിലെ കായിക വിനോദങ്ങൾ പരിശീലിക്കുന്നതിനുള്ള പ്രദേശങ്ങൾ എന്നിവ ഉൾപ്പെടുന്നു.
യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ ട്വീറ്റ് പ്രകാരം ലെഹ്ബാബ്, അവീർ, ഫഖാ തുടങ്ങിയ പ്രദേശങ്ങളിൽ 2,216 ചതുരശ്ര കിലോമീറ്റർ വിസ്തൃതിയുള്ളതാണ് പദ്ധതി.
“ലോകത്തിലെ ഏറ്റവും മനോഹരമായ നഗരമാണ് നമുക്കുള്ളത്. എമിറേറ്റിലെ ഗ്രാമപ്രദേശങ്ങളെ ഏറ്റവും ആസ്വാദ്യകരവും മനോഹരവുമാക്കുക എന്നതാണ് ഞങ്ങളുടെ അടുത്ത ലക്ഷ്യം,’ ഷെയ്ഖ് മുഹമ്മദ് പറഞ്ഞു.
അദ്ദേഹം ട്വീറ്റുകൾക്കൊപ്പം പങ്കിട്ട ഫോട്ടോകൾ ഹെലികോപ്റ്റർ ടൂർ സൈറ്റുകൾ, ഒട്ടകങ്ങളുടെ വാഹനവ്യൂഹം, പച്ചപ്പ്, മരുഭൂമിയിൽ നിന്ന് കൊത്തിയെടുത്ത തടാകങ്ങൾ എന്നിവയുള്ള മനോഹരമായ റൂട്ട് കാണാം.ദുബായിലെ ആകർഷകമായ ഗ്രാമപ്രദേശങ്ങളെ സാംസ്കാരിക, വിനോദസഞ്ചാര, പാരിസ്ഥിതിക കേന്ദ്രങ്ങളാക്കി മാറ്റാനുള്ള പദ്ധതി ആദ്യമായി പ്രഖ്യാപിച്ചത് 2022 മെയ് മാസത്തിലാണ്.
കഴിഞ്ഞ വർഷം പ്രഖ്യാപിച്ച ദുബായ് 2040 അർബൻ മാസ്റ്റർ പ്ലാൻ അനുസരിച്ച്, വന്യജീവി സങ്കേതങ്ങളും പ്രകൃതിദത്ത ഗ്രാമീണ മേഖലകളും എമിറേറ്റിന്റെ മൊത്തം വിസ്തൃതിയുടെ 60 ശതമാനമായിരിക്കും.
تطوير أرياف وبراري دبي يشمل مسار سياحي بطول ١٠٠ كم الأول من نوعه في المنطقة .. ومحميات طبيعية .. ومحطات للرياضات الصحراوية .. ومبادرات تنموية تخدم أبناء هذه المناطق .. سيتم توفير تجربة سياحية مختلفة وجديدة في أرياف وبراري دبي .. والقادم أجمل وأمتع .. pic.twitter.com/a3QU9K7su7
— HH Sheikh Mohammed (@HHShkMohd) November 27, 2022
