യുഎഇയിലെ ഏറ്റവും വലിയ ഹെൽത്ത് കെയർ ശൃംഖലയായ അബുദാബി ഹെൽത്ത് സർവീസസ് കമ്പനി (SEHA) ചില SEHA COVID-19 സെന്ററുകൾ ഇന്നലെ ബുധനാഴ്ച മുതൽ സ്ഥിരമായി അടച്ചിടുമെന്ന് പ്രഖ്യാപിച്ചു.
അബുദാബി, അൽ വാത്ബ, അൽ ബാഹിയ എന്നിവിടങ്ങളിലെ കോവിഡ്-19 ഡ്രൈവ്-ത്രൂ സേവന കേന്ദ്രങ്ങൾ അടച്ചിടും. അൽ ഐനിലെ അൽ ഹിലി, അൽ ആമേറ, സെഹ കൊവിഡ്-19 വാക്സിനേഷൻ സെന്റർ (അൽ ഖാബിസി ഹാൾ) എന്നിവയും അടച്ചിടും.
വടക്കൻ മേഖലകളിലെ അൽ ഖവാനീജ്, ഷാർജ, ഉമ്മുൽ ഖുവൈൻ, ഫുജൈറ, റാസൽഖൈമ എന്നിവിടങ്ങളിലെ കോവിഡ്-19 ഡ്രൈവ്-ത്രൂ സേവന കേന്ദ്രങ്ങളും അടച്ചിടും.
അബുദാബിയിലെ കൊവിഡ്-19 ഡ്രൈവ്-ത്രൂ സർവീസസ് സെന്ററുകൾ റബ്ദാൻ, മാൻഹൽ എന്നിവയും അൽ ഐനിലെ അൽ സറൂജ്, അഷരെജ്. കൂടാതെ, അബുദാബിയിലെ മുഷ്‌രിഫ് വെഡ്ഡിംഗ് ഹാളിലെയും അൽ ഐൻ കൺവെൻഷൻ സെന്ററിലെയും കോവിഡ്-19 പ്രൈം അസസ്‌മെന്റ് സെന്ററുകൾ തുറന്ന് പ്രവർത്തിക്കും.
