യുഎഇ ഇന്ന് ഡിസംബർ 27 ന് പുലർച്ചെ അബുദാബി, ദുബായ്, അജ്മാൻ, ഫുജൈറ, റാസൽ ഖൈമ എന്നിവിടങ്ങളിൽ മഴ റിപ്പോർട്ട് ചെയ്തതായി നാഷണൽ സെന്റർ ഓഫ് മെറ്റീരിയോളജി (NCM) അറിയിച്ചു.
യുഎഇയിൽ ഉടനീളം മൂടിക്കെട്ടിയ ആകാശം നിലനിൽക്കുന്നു, വൈകുന്നേരവും വരെ മഴ പ്രതീക്ഷിക്കുന്നുണ്ട് . യുഎഇ നിവാസികൾക്ക് ഈ ആഴ്ചയും മേഘാവൃതമായ അവസ്ഥ തുടരുമെന്നാണ് പ്രതീക്ഷിക്കുന്നത്.
ചൊവ്വാഴ്ചത്തെ NCM പ്രവചനമനുസരിച്ച്: “അസ്ഥിരമായ കാലാവസ്ഥ തുടരുന്നു, കാലാവസ്ഥ ഭാഗികമായി മേഘാവൃമായിരിക്കും, ഒപ്പം ചില പ്രദേശങ്ങളിൽ വ്യത്യസ്ത തീവ്രതയുള്ള മഴയുമായി ബന്ധപ്പെട്ട ചില സംവഹന മേഘങ്ങളും ഉണ്ടാകാം.
രാജ്യത്തിന്റെ ചില ഭാഗങ്ങളിൽ മഴ, ഇടി, മിന്നൽ എന്നിവ പ്രതീക്ഷിക്കുന്നു.രാജ്യത്തിന്റെ തീരപ്രദേശങ്ങളിൽ പരമാവധി താപനില 22-26 ഡിഗ്രി സെൽഷ്യസായിരിക്കും. ആന്തരിക പ്രദേശങ്ങളിൽ താപനില 24-28 ഡിഗ്രി സെൽഷ്യസും പർവതപ്രദേശങ്ങളിൽ 20-15 ഡിഗ്രി സെൽഷ്യസും ആയിരിക്കും.
പരമാവധി ഈർപ്പം 85 ശതമാനത്തിൽ എത്തുമെന്നാണ് പ്രതീക്ഷിക്കുന്നത്. മിതമായതോ ശക്തമായതോ ആയ കാറ്റ് ആവർത്തിച്ച് വീശുമെന്ന് പ്രതീക്ഷിക്കുന്നു, മണിക്കൂറിൽ 15 – 25 കി.മീ വേഗതയിൽ, ചിലപ്പോൾ മണിക്കൂറിൽ 40 കി.മീ വരെ വേഗതയിൽ എത്താം. മേഘങ്ങളുടെ പ്രവർത്തനം വർദ്ധിക്കുകയും കടൽ ചില സമയങ്ങളിൽ പ്രക്ഷുബ്ധമാകുകയും ചെയ്യുന്നതിനാൽ കാറ്റ് ശക്തമാകുമെന്ന് പ്രതീക്ഷിക്കുന്നു.
