അൽഖൂസിൽ രണ്ട് സംഘങ്ങൾ കത്തികളും വാളുകളും ഉപയോഗിച്ച് പരസ്പരം ആക്രമിക്കുകയും ഒരാൾ കൊല്ലപ്പെടുകയും ഒരാൾക്ക് പരിക്കേൽക്കുകയും ചെയ്തതായി പോലീസ് അറിയിച്ചു. കാരണക്കാരായ മൂന്ന് ആഫ്രിക്കക്കാരെയും ഒരു ഏഷ്യക്കാരനെയും ദുബായ് ക്രിമിനൽ കോടതി അഞ്ച് വർഷം തടവിന് ശിക്ഷിച്ചു. ശിക്ഷാ കാലാവധി കഴിഞ്ഞാൽ ഇവരെ നാടുകടത്തും.
കഴിഞ്ഞ വർഷം 2022 നവംബറിൽ അൽഖൂസിലെ ഒരു റസ്റ്റോറന്റിന്റെ മാനേജർ ഒരു സംഘം ആളുകൾ മറ്റുള്ളവരെ കയ്യേറ്റം ചെയ്യുകയും അരാജകത്വം ഉണ്ടാക്കുകയും ചെയ്യുന്നത് കണ്ടതായി റിപ്പോർട്ട് നൽകിയിരുന്നു. സംഘാംഗങ്ങൾ മറ്റൊരു സംഘത്തിലെ അംഗങ്ങളെ കുത്തുന്നത് താൻ കണ്ടതായി മാനേജർ പറഞ്ഞു
സംഘത്തിലെ അംഗങ്ങളെ തിരിച്ചറിയാൻ സിഐഡി സംഘത്തിന് കഴിഞ്ഞതായും മൂന്ന് ആഫ്രിക്കക്കാരെയും ഒരു ഏഷ്യക്കാരനെയും അറസ്റ്റ് ചെയ്തതായും പോലീസ് മൊഴിയിൽ പറയുന്നു. തങ്ങൾ അനധികൃതമായി മദ്യവ്യാപാരം നടത്തിയിരുന്നതായി പ്രതികളെല്ലാം സമ്മതിച്ചു.
മർദനത്തെ തുടർന്ന് മരിച്ചയാളെ കൊല്ലാൻ ഉദ്ദേശിച്ചിരുന്നില്ലെന്നും ഇവർ പറഞ്ഞു. നാലാമത്തെ പ്രതിയാണ് കുറ്റം ചെയ്യാൻ ഉപയോഗിച്ച ആയുധങ്ങൾ നൽകിയതെന്നും പ്രതി പറഞ്ഞു.
