അബുദാബി ഒഴിച്ചുള്ള വിമാനത്താവളങ്ങളിൽ നിന്ന് യാത്ര ചെയ്യുന്ന യാത്രക്കാർക്കുള്ള ഓൺലൈൻ ചെക്ക്-ഇൻ സൗകര്യം മാർച്ചിൽ 9 ദിവസത്തേക്ക് താൽക്കാലികമായി ലഭ്യമാകില്ലെന്ന് എത്തിഹാദ് എയർവേസ് അറിയിച്ചു.
തങ്ങളുടെ സംവിധാനങ്ങൾ മാറ്റുകയാണെന്നും അബുദാബിയിൽ നിന്ന് യാത്ര ചെയ്യുന്നവർക്കല്ലാതെ ഓൺലൈനിൽ ചെക്ക് ഇൻ ചെയ്യാൻ കഴിയില്ലെന്നും എത്തിഹാദ് ട്വീറ്റിൽ പറഞ്ഞു.
മാർച്ച് 4 മുതൽ മാർച്ച് 12 വരെ സർവീസുകളെ ബാധിക്കും. എന്നിരുന്നാലും, യാത്രക്കാർക്ക് വിമാനത്താവളത്തിൽ നേരിട്ട് ചെക്ക് ഇൻ ചെയ്യാം. ഫ്ലൈറ്റ് പുറപ്പെടുന്ന സമയത്തിന് നാല് മണിക്കൂർ മുമ്പ് ചെക്ക്-ഇൻ തുറക്കും. അബുദാബി ആസ്ഥാനമായുള്ള എയർലൈൻ തങ്ങളുടെ ഉപഭോക്താക്കളോട് അസൗകര്യമുണ്ടാക്കിയതിൽ ക്ഷമാപണം നടത്തി.
