തുടർച്ചയായ ഒമ്പതാം തവണയും ലോകത്തിലെ ഏറ്റവും തിരക്കേറിയ വിമാനത്താവളമായി ദുബായ് വിമാനത്താവളം. എയർപോർട്ട് കൗൺസിൽ ഇന്റർനാഷണലിന്റെ (ACI) കണക്കനുസരിച്ച്, ദുബായ് ഇന്റർനാഷണൽ ( DXB )വിമാനത്താവളം 2022-ൽ തുടർച്ചയായ ഒമ്പതാം വർഷവും അന്താരാഷ്ട്ര യാത്രക്കാരുടെ തിരക്കുള്ള വിമാനത്താവളമെന്ന നിലയിൽ ഒന്നാം സ്ഥാനം നിലനിർത്തി.
പ്രാദേശികവും അന്തർദ്ദേശീയവുമായ വ്യോമയാന മേഖലയിലെ ശക്തമായ വീണ്ടെടുക്കലിന്റെ പശ്ചാത്തലത്തിൽ 2022-ൽ ദുബായ് വിമാനത്താവളത്തിന്റെ യാത്രക്കാരുടെ എണ്ണം ഇരട്ടിയായി 66 ദശലക്ഷമായി ഉയർന്നു. 2022-ൽ ദുബായ് വിമാനത്താവളത്തിന് ആകെ 66,069,981 യാത്രക്കാരെ ലഭിച്ചു, മുൻവർഷത്തെ അപേക്ഷിച്ച് 127 ശതമാനം വൻ കുതിപ്പ് ആണുണ്ടായത്.
