DEWA-യുടെ രണ്ടാമത്തെ നാനോ സാറ്റലൈറ്റ് വിക്ഷേപണത്തിന്റെ പുതിയ തീയതി ദുബായ് ഇലക്‌ട്രിസിറ്റി ആൻഡ് വാട്ടർ അതോറിറ്റി (DEWA) പ്രഖ്യാപിച്ചു. ഇന്നത്തെ (ഏപ്രിൽ 11) വിക്ഷേപണം പ്രതികൂല കാലാവസ്ഥയെത്തുടർന്ന് മാറ്റിവെക്കുകയായിരുന്നു.
ഉപഗ്രഹത്തിന്റെ രണ്ടാമത്തെ വിക്ഷേപണതിയ്യതിയായി നിശ്ചയിച്ചിരിക്കുന്നത് നാളെ ഏപ്രിൽ 12 ബുധനാഴ്ചയാണ്. DEWA-യുടെ രണ്ടാമത്തെ നാനോ സാറ്റലൈറ്റ്, Sat-2, അതോറിറ്റിയുടെ Space-D പ്രോഗ്രാമിന്റെ ഭാഗമാണ്. യുഎസിലെ കാലിഫോർണിയയിലെ വാൻഡൻബെർഗ് എയർഫോഴ്സ് ബേസിൽ നിന്ന് സ്‌പേസ് എക്‌സ് ഫാൽക്കൺ 9 റോക്കറ്റിലാണ് DEWA Sat-2 വിക്ഷേപിക്കുക.
ലിത്വാനിയയിലെ നാനോ ഏവിയോണിക്‌സുമായി സഹകരിച്ച് അതോറിറ്റിയുടെ റിസർച്ച് ആൻഡ് ഡെവലപ്‌മെന്റ് സെന്ററിൽ രൂപകൽപ്പന ചെയ്‌ത് വികസിപ്പിച്ചെടുത്ത പുതിയ ഉപഗ്രഹത്തിൽ ഉയർന്ന റെസല്യൂഷൻ ക്യാമറ (4.7 മീറ്റർ) ഉണ്ട്, അത് ഭൗമ നിരീക്ഷണ ദൗത്യങ്ങൾക്കായി ഉപയോഗിക്കും.
ഉയർന്ന മിഴിവുള്ള ക്യാമറ, ഏകദേശം 500 കിലോമീറ്റർ ഭ്രമണപഥത്തിൽ നിന്ന് 7 സ്പെക്ട്രൽ ബാൻഡുകളിൽ തുടർച്ചയായ ലൈൻ-സ്കാൻ ഇമേജിംഗ് നൽകുന്നു. ഹരിതഗൃഹ വാതകങ്ങൾ അളക്കുന്നതിനുള്ള ഇൻഫ്രാറെഡ് ഉപകരണങ്ങളും പുതിയ ഉപഗ്രഹത്തിൽ സജ്ജീകരിച്ചിച്ചിട്ടുണ്ട്.
