മുതലകളുടെ ജീവിതങ്ങൾ അറിയുന്നതിനായി രൂപകൽപ്പന ചെയ്ത ദുബായ് ക്രോക്കഡൈൽ പാർക്ക് ഏപ്രിൽ 18 ന് പൊതുജനങ്ങൾക്കായി തുറക്കുമെന്ന് മാനേജ്‌മെന്റ് അറിയിച്ചു. മുഷ്‌രിഫ് പാർക്കിന് സമീപം സ്ഥിതി ചെയ്യുന്ന മുതല പാർക്കിൽ “കുട്ടികൾ മുതൽ വലിയ മുതിർന്നവർ വരെ എല്ലാ പ്രായത്തിലുമുള്ള 250 നൈൽ മുതലകൾ” വസിക്കുന്നുണ്ട്.
20,000 ചതുരശ്ര മീറ്റർ വിസ്തീർണ്ണമുള്ള ഈ സൗകര്യം മുതലകളുടെ സുഖസൗകര്യങ്ങൾക്കായി പ്രത്യേകം രൂപകൽപ്പന ചെയ്തിട്ടുള്ളതാണ്, കൂടാതെ വർഷം മുഴുവനും കാലാവസ്ഥാ നിയന്ത്രിത വെള്ളവും അതിഥികൾക്ക് ഏറ്റവും ഉയർന്ന സുരക്ഷാ മാനദണ്ഡങ്ങളും ഉൾപ്പെടെയുള്ള അനുയോജ്യമായ അന്തരീക്ഷം ഇവിടെയുണ്ടാകും ” മാനേജ്‌മെന്റ് പറഞ്ഞു. പ്രകൃതി ചരിത്ര മ്യൂസിയം, ഒരു ആഫ്രിക്കൻ തടാക-തീം അക്വേറിയം, വലിയ ഔട്ട്ഡോർ ലാൻഡ്സ്കേപ്പ് ഏരിയകൾ എന്നിവ ഉൾപ്പെടുന്നതാണ് ഈ പാർക്ക്. അതുപോലെ ക്ലോസപ്പ്, അണ്ടർവാട്ടർ എന്നിവയുൾപ്പെടെ വിവിധ കാഴ്ചപ്പാടുകളിൽ നിന്ന് അതിമനോഹരമായ ജീവികളെ കാണാനുള്ള അവസരവും സന്ദർശകർക്ക് നൽകും.
മുതിർന്നവർക്ക് 95 ദിർഹവും മൂന്ന് മുതൽ 12 വയസ് വരെയുള്ള കുട്ടികൾക്ക് 75 ദിർഹവുമാണ് ടിക്കറ്റ് നിരക്ക്. ടിക്കറ്റുകൾ പാർക്കിന്റെ പ്രവേശന കവാടത്തിൽ നിന്ന് ലഭിക്കും. ദിവസവും രാവിലെ 10 മുതൽ രാത്രി 10 വരെയാണ് പാർക്കിന്റെ സന്ദർശനസമയം.
