ചന്ദ്രോപരിതലത്തിൽ ഇറങ്ങാനുള്ള യു എ ഇ യുടെ അചഞ്ചലമായ പ്രതിബദ്ധത പ്രതിഫലിപ്പിക്കുന്ന മറ്റൊരു ശ്രമത്തിനായി റാഷിദ് 2 എന്ന ന്യൂ മൂൺ റോവർ വികസിപ്പിക്കുമെന്ന് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം ഇന്ന് പ്രഖ്യാപിച്ചു.
ഇന്നലെ റാഷിദ് എന്ന യുഎഇയുടെ ആദ്യ റോവർ വഹിക്കുന്ന ജാപ്പനീസ് ലാൻഡർ ക്രാഫ്റ്റുമായുള്ള ആശയവിനിമയം ചന്ദ്രനിൽ തൊടുന്നതിന് നിമിഷങ്ങൾക്ക് മുമ്പ് നഷ്ടപ്പെട്ടതിന് ശേഷമാണ് അദ്ദേഹത്തിന്റെ ഈ തീരുമാനം.
“റാഷിദ് റോവറിന്റെ ചാന്ദ്ര ദൗത്യം വിജയിച്ചില്ലെങ്കിലും, ഞങ്ങളുടെ അഭിലാഷങ്ങൾ നക്ഷത്രങ്ങൾക്കപ്പുറത്തേക്ക് ഉയർന്നു. വെറും 10 വർഷത്തിനുള്ളിൽ, കഴിവുള്ള യുവ പ്രൊഫഷണലുകളുടെ ഒരു ടീമിനെ യുഎഇ സൃഷ്ടിക്കുകയും അഭിവൃദ്ധി പ്രാപിക്കുന്ന ഒരു ബഹിരാകാശ മേഖല സ്ഥാപിക്കുകയും ചെയ്തു. ഷെയ്ഖ് മുഹമ്മദ് പറഞ്ഞു.
