ദുബായിൽ 181 ലൈസൻസില്ലാത്ത വഴിയോര കച്ചവടക്കാരെ പിടികൂടുകയും ആരോഗ്യത്തിന് അനുയോജ്യമല്ലാത്ത പച്ചക്കറികളും പഴങ്ങളും വിൽക്കാൻ ഉപയോഗിച്ച നിരവധി വാഹനങ്ങൾ പിടികൂടുകയും ചെയ്തതായി ദുബായ് പോലീസ് അറിയിച്ചു. മാർച്ച് പകുതി മുതൽ ഏപ്രിൽ 25 വരെ നടത്തിയ ക്യാമ്പെയ്‌നിലാണ് ഇവർ അറസ്റ്റിലായത്.
പൊതു സുരക്ഷാ ചട്ടങ്ങൾ നടപ്പിലാക്കുന്നതിനും നഗരത്തിന്റെ പ്രതിച്ഛായ നിലനിർത്തുന്നതിനുമായി തങ്ങളുടെ പങ്കാളികളുമായി സഹകരിച്ച് ദുബായ് പോലീസ് നടത്തുന്ന ശ്രമങ്ങളുടെ ഭാഗമായാണ് അറസ്റ്റെന്ന് നുഴഞ്ഞുകയറ്റ വിരുദ്ധ വകുപ്പ് ഡയറക്ടർ കേണൽ അലി സലേം അൽ ഷംസി പറഞ്ഞു.
താമസക്കാർ ഇത്തരക്കാരോട് താൽപ്പര്യവും ഇടപഴകലും കാണിക്കുകയാണെങ്കിൽ, പ്രത്യേകിച്ച് തൊഴിലാളികളുടെ താമസസ്ഥലങ്ങൾക്ക് സമീപം ഇത്തരം പ്രതിഭാസങ്ങൾ അവർ വീണ്ടും തുടരുമെന്നും അദ്ദേഹം മുന്നറിയിപ്പ് നൽകി.
വഴിയോരക്കച്ചവടക്കാരിൽ നിന്നോ പൊതുനിരത്തിൽ പാർക്ക് ചെയ്യുന്ന ലൈസൻസില്ലാത്ത വാഹനങ്ങളിൽ നിന്നോ പച്ചക്കറികൾ, പഴങ്ങൾ, മറ്റ് ഭക്ഷ്യ ഉൽപന്നങ്ങൾ എന്നിവ വാങ്ങുന്നതിനെതിരെയും അദ്ദേഹം മുന്നറിയിപ്പ് നൽകി. ആരോഗ്യവും ഭക്ഷ്യസുരക്ഷയും സംരക്ഷിക്കുന്നതിന് ലൈസൻസുള്ള ഔട്ട്‌ലെറ്റുകളിൽ നിന്ന് മാത്രം സാധനങ്ങൾ വാങ്ങാണമെന്നും അദ്ദേഹം ഉപദേശിച്ചു.
