യുഎഇയുടെ തൊഴിൽ നഷ്ട പദ്ധതിയിലേക്ക് സബ്സ്ക്രൈബ് ചെയ്യാൻ കഴിയുന്ന ജീവനക്കാരുടെ വിഭാഗങ്ങളുടെ എണ്ണം ഇപ്പോൾ മാനവ വിഭവശേഷി, എമിറേറ്റൈസേഷൻ മന്ത്രാലയം (MoHRE) വിപുലീകരിച്ചിട്ടുണ്ട്. രണ്ട് പുതിയ വിഭാഗങ്ങളെ കൂടി ഇപ്പോൾ കൂട്ടിച്ചേർത്തിട്ടുണ്ട്
ഇതനുസരിച്ച് ഫ്രീ സോണുകളിലും അർദ്ധ സർക്കാർ സ്ഥാപനങ്ങളിലും ജോലി ചെയ്യുന്ന ജീവനക്കാർക്കും നിർബന്ധിത തൊഴിൽ നഷ്ട ഇൻഷുറൻസ് പദ്ധതിയിൽ രജിസ്റ്റർ ചെയ്യാം.
2023 ജനുവരി 1 മുതൽ, സ്വകാര്യ മേഖലയിലും ഫെഡറൽ ഗവൺമെന്റിലും ജോലി ചെയ്യുന്ന ജീവനക്കാർ തൊഴിൽ നഷ്ട ഇൻഷുറൻസ് വരിക്കാരാകുന്നത് മന്ത്രാലയം നിർബന്ധമാക്കിയിട്ടുണ്ട്. ജൂൺ 30-നകം വരിക്കാരായില്ലെങ്കിൽ ജീവനക്കാർക്ക് 400 ദിർഹം പിഴ ചുമത്തും. കൂടാതെ, നിശ്ചിത തീയതി മുതൽ മൂന്ന് മാസത്തിലധികം പ്രീമിയം അടയ്ക്കുന്നതിൽ പരാജയപ്പെട്ടാൽ 200 ദിർഹം പിഴ ചുമത്തും.