2022-ൽ തുടർച്ചയായി രണ്ടാം വർഷവും ഗ്രീൻഫീൽഡ് വിദേശ നേരിട്ടുള്ള നിക്ഷേപ പദ്ധതികൾ (FDI) ആകർഷിക്കുന്നതിനുള്ള മികച്ച ആഗോള ലക്ഷ്യസ്ഥാനമെന്ന നിലയിൽ ദുബായ് ഒന്നാം സ്ഥാനം നിലനിർത്തി.
ഗ്രീൻഫീൽഡ് എഫ്ഡിഐ പദ്ധതികൾ വർഷം തോറും 89.5 ശതമാനം വർധിച്ചതായും 47 ബില്യൺ ദിർഹം എഫ്ഡിഐ മൂലധന ഒഴുക്ക് പ്രഖ്യാപിച്ചതായും ദുബായ് കിരീടാവകാശിയും ദുബായ് എക്സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം ട്വിറ്ററിൽ കുറിച്ചു.
2022ൽ ആഗോള ഗ്രീൻഫീൽഡ് എഫ്ഡിഐ പദ്ധതികളിൽ ദുബായുടെ വിഹിതം 4 ശതമാനത്തിലെത്തി. ഈ വിജയങ്ങൾ മുൻനിർത്തി ആഗോള ബിസിനസ്, നിക്ഷേപ കേന്ദ്രമെന്ന നിലയിൽ ദുബായുടെ പദവി കൂടുതൽ ഉയർത്താൻ ഞങ്ങൾ പ്രതിജ്ഞാബദ്ധരാണെന്നും ഷെയ്ഖ് ഹംദാൻ പറഞ്ഞു.
