ജീവനും സ്വത്തിനും അപകടമുണ്ടാക്കുന്ന രീതിയിലുള്ള സുരക്ഷാ ലംഘനങ്ങൾ ശ്രദ്ധയിൽപ്പെട്ടതിനെത്തുടർന്ന് അബുദാബി സിവിൽ ഡിഫൻസ് അതോറിറ്റി അബുദാബിയിലെ സാമ്പത്തിക വികസന വകുപ്പുമായി ചേർന്ന് മൂന്ന് സ്ഥാപനങ്ങൾ അടച്ചുപൂട്ടാൻ ഉത്തരവിട്ടു.
അബുദാബിയിലെ നിരവധി കെട്ടിടങ്ങളിലും സൗകര്യങ്ങളിലും നടത്തിയ ഫീൽഡ് പരിശോധനയിലാണ് സുരക്ഷാ ലംഘനങ്ങൾ കണ്ടെത്തിയത്.
കെട്ടിട ഉടമകളോട് എന്തെങ്കിലും തെറ്റായ നടപടികളും ലംഘനങ്ങളും ഉണ്ടെങ്കിൽ അത് വേഗത്തിൽ തിരുത്താനും അതോറിറ്റി അഭ്യർത്ഥിച്ചു. ചില കെട്ടിടങ്ങളിലെ സെൻട്രൽ ഗ്യാസ് ടാങ്കുകൾക്ക് ചുറ്റുമുള്ള മോശം വൃത്തിയും സിവിൽ ഡിഫൻസ് ചൂണ്ടിക്കാട്ടി.
